နေပြည်တော် ၊ ဇန်နဝါရီ  ၁၉

ကုန်သွယ်ရေးဇုန်/စခန်းများ တည်ဆောက်ရာတွင် နိုင်ငံတကာလုပ်ငန်းစဉ်နှင့်အညီ တစ်ဖက်နိုင်ငံများကဲ့သို့ နယ်စပ်မျဉ်းအနီးတည်ဆောက်နိုင်ရေးနှင့် စပ်လျဉ်း၍ လေ့လာသုံးသပ် ရေးကော်မတီ ဒုတိယအကြိမ်အစည်းအဝေးကို ယမန်နေ့မွန်းလွဲပိုင်းတွင် စီမံကိန်းနှင့်ဘဏ္ဍာရေး ဝန်ကြီးဌာန၊ ပြည်ထောင်စုဝန်ကြီးရုံး၊ အစည်းအဝေးခန်းမ၌  ကျင်းပရာ လေ့လာသုံးသပ်ရေး ကော်မတီ ဥက္ကဌ၊ ဒုတိယဝန်ကြီး ဦးမောင်မောင်ဝင်း တက်ရောက်ဆွေးနွေးမှာကြားသည်။

ဦးစွာ ကော်မတီဥက္ကဋ္ဌ ဒုတိယဝန်ကြီးက လေ့လာသုံးသပ်အစီရင်ခံရေးကော်မတီနှင့် တိုင်း ဒေသကြီးနှင့် ပြည်နယ်အလိုက် လေ့လာသုံးသပ်အစီရင်ခံရေး လုပ်ငန်းကော်မတီတို့အား နိုင်ငံ တော်စီမံအုပ်ချုပ်ရေးကောင်စီရုံးမှ ၁၄-၇-၂၀၂၃ ရက်တွင် စတင်ဖွဲ့စည်းတာဝန်ပေးအပ်ခဲ့ကြောင်း၊ လေ့လာသုံးသပ်အစီရင်ခံရေးကော်မတီအနေဖြင့် လုပ်ငန်းတာဝန် (၄)ရပ် နှင့် လေ့လာသုံးသပ်အစီ ရင်ခံရေးလုပ်ငန်းကော်မတီအနေဖြင့် လုပ်ငန်းတာဝန် (၆) ရပ်ရှိကြောင်း၊ လေ့လာသုံးသပ်အစီရင်ခံရေး ကော်မတီနှင့် တိုင်းဒေသကြီးနှင့် ပြည်နယ်အလိုက် လေ့လာသုံးသပ်အစီရင်ခံရေးလုပ်ငန်းကော်မတီ များ၏ လုပ်ငန်းတာဝန် (၆) ရပ်တို့ကို အကောင်အထည်‌ဖော် ဆောင်ရွက်နိုင်ရန် ၁၄-၉-၂၀၂၃ ရက်တွင် ပထမအကြိမ်အစည်းအဝေး ကျင်းပပြုလုပ်ခဲ့ကြောင်း။

လေ့လာသုံးသပ်အစီရင်ခံရေးကော်မတီ၏ ပထမအကြိမ်အစည်းအဝေးတွင် ဆုံးဖြတ်ချက် (၆) ချက် ချမှတ်ခဲ့ပြီး ပထမအကြိမ် အစည်းအဝေး၏ ဆုံးဖြတ်ချက်များအပေါ် သက်ဆိုင်ရာ တိုင်းဒေသကြီး နှင့်ပြည်နယ်အလိုက် လေ့လာသုံးသပ်အစီရင်ခံရေး လုပ်ငန်းကော်မတီများ၊ သက်ဆိုင်ရာဌာန များမှ ကဏ္ဍာအလိုက် ပြုစုတင်ပြလာခဲ့ရာ အချို့တိုင်းဒေသကြီးနှင့် ပြည်နယ် များမှာ အကောင် အထည်ဖော်ဆောင်ရွက်နိုင်ကြောင်း တွေ့ရှိရသော်လည်း အချို့တိုင်းဒေသကြီးနှင့် ပြည်နယ် များမှာ အကောင်အထည်ဖော်ဆောင်ရွက်နိုင်မှု မရှိသေးသည်ကို တွေ့ရှိရကြောင်း။

တိုင်းဒေသကြီးနှင့် ပြည်နယ်အလိုက် လေ့လာသုံးသပ်အစီရင်ခံရေးလုပ်ငန်း ကော်မတီများ၊ သက်ဆိုင်ရာဌာနများ၏ သဘောထားမှတ်ချက်နှင့် အကြံပြုချက်များ၊ လက်ရှိနယ်စပ် စစ်ဆေး ရေးစခန်းများ၏ သတ်မှတ်ချက်နှင့်ကိုက်ညီမှုရှိ/မရှိ အခြေအနေ၊ လက်ရှိစခန်းများ၏ ထပ်မံ တိုးချဲ့နိုင်မှုအခြေအနေ၊ (၂၀၂၂-၂၀၂၃) ဘဏ္ဍာရေးနှစ် ပို့ကုန်/သွင်းကုန်ပမာဏ၊ နယ်နိမိတ် တိုင်းတာရန်လိုအပ်မှုရှိ/မရှိ အခြေအနေ၊ လျာထားမြေဧရိယာရရှိနိုင်မှုနှင့် ကုန်ကျမည့် ကုန်ကျ စရိတ်တွက်ချက်တင်ပြလာမှုအခြေအနေ၊ တစ်ဖက်နိုင်ငံမှ နယ်စပ်မျဉ်းအနီး ကုန်သွယ်‌ရေးဇုန်/ စခန်း တည်ဆောက်ထားမှုအခြေအနေနှင့် လက်ရှိလုံခြုံရေးအခြေအနေတို့အပေါ် မူတည်၍ နယ်စပ်မျဉ်းအနီး ကုန်သွယ်ရေးဇုန်/စခန်းတည်ဆောက်နိုင်ရေးအတွက် ဦးစားပေးခွဲ၍ ဆောင်ရွက် သင့်သည်ကို တွေ့ရကြောင်း။
 

သက်ဆိုင်ရာဌာနအဖွဲ့အစည်းများ၊ တိုင်းဒေသကြီးနှင့်ပြည်နယ်အလိုက် လေ့လာသုံးသပ် အစီရင်ခံရေးလုပ်ငန်းကော်မတီများမှ ဆွေးနွေးတင်ပြချက်များအပေါ် စိစစ်သုံးသပ်ပြီး နိုင်ငံ တကာလုပ်ငန်းစဉ်နှင့်အညီ ကုန်သွယ်ရေး ဇုန်/စခန်း တည်ဆောက်နိုင်မည့်အခြေအနေများအား တရားမဝင်ကုန်သွယ်မှု တိုက်ဖျက်ရေးဦးဆောင်ကော်မတီသို့ သုံးသပ်ပြုစုတင်ပြသွားမည် ဖြစ် ကြောင်း၊ လေ့လာသုံးသပ်အစီရင်ခံရေးကော်မတီဝင် ဌာနဆိုင်ရာအကြီးအကဲများနှင့် တိုင်း ဒေသကြီးနှင့် ပြည်နယ်အလိုက် လေ့လာသုံးသပ်အစီရင်ခံရေးလုပ်ငန်းကော်မတီများ အနေဖြင့် ကုန်သွယ်ရေး ဇုန်/စခန်းများ တည်ဆောက်ရာတွင် နိုင်ငံတကာစံနှုန်း/လုပ်ငန်းစဉ်များ၊ နိုင်ငံ တော်၏ တည်ဆဲဥပဒေများနှင့်အညီ ညီညွတ်ခြင်းရှိ/မရှိ၊ သက်ဆိုင်ရာဌာန၊ အဖွဲ့အစည်းများ၏ ဥပဒေလုပ်ထုံးလုပ်နည်းများနှင့်ညီညွတ်မှု ရှိ/မရှိ၊ နိုင်ငံတကာဥပဒေစံနှုန်းများ၊ ပြည်တွင်း ဥပဒေ များနှင့် ညီညွတ်ခြင်းရှိ/မရှိ၊ တရားမဝင်ကုန်သွယ်မှုတိုက်ဖျက်ရေးအတွက် ထိရောက်စွာ ဆောင် ရွက်နိုင်မှုရှိ/မရှိစသည်တို့အား ဘက်ပေါင်းစုံ၊ ရှုထောင့်ပေါင်းစုံမှသုံးသပ်၍ ဝိုင်းဝန်း ဆွေးနွေးပေး ကြရန်ဖြစ်ကြောင်း ပြောကြားခဲ့သည်။

ထို့နောက် အစည်းအဝေးသို့တက်ရောက်လာကြသော ကော်မတီဒုတိယဥက္ကဋ္ဌနှင့် ကော်မ တီဝင်များက သက်ဆိုင်ရာကဏ္ဍအလိုက် ဆွေးနွေးတင်ပြကြရာ ကော်မတီဥက္ကဋ္ဌက လိုအပ် သည်များအား ညှိနှိုင်းပေါင်းစပ်ဆောင်ရွက်ပေးခဲ့သည်။

ဆက်လက်၍ ကော်မတီဥက္ကဌက နိဂုံးချုပ်အမှာစကား ပြောကြားပြီး ဆွေးနွေးပွဲကို ရုပ်သိမ်းခဲ့ကြောင်း သတင်းရရှိသည်။
သတင်းစဉ်