_0.png)
နေပြည်တော် ၊ ဩဂုတ် ၃၀
တရုတ်-မြန်မာ စီးပွားရေးစင်္ကြံအောက်ရှိ ဒေသအဆင့် ပူးပေါင်းဆောင်ရွက်မှုလုပ်ငန်း အဖွဲ့၏ လုပ်ငန်းညှိနှိုင်းအစည်းအဝေးကို ဒေသအဆင့် ပူးပေါင်းဆောင်ရွက်မှု လုပ်ငန်းအဖွဲ့ ဥက္ကဋ္ဌ၊ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဒေါ်သန်းသန်းလင်း ဦးဆောင်၍ ယနေ့ နံနက် (၁၀:၀၀) နာရီတွင် ရုံးအမှတ်(၃၂)၊ အစည်းအဝေးခန်းမ၌ Virtual ပုံစံဖြင့် ကျင်းပခဲ့ သည်။
အစည်းအဝေးသို့ ဒေသအဆင့် ပူးပေါင်းဆောင်ရွက်မှုလုပ်ငန်းအဖွဲ့၊ အဖွဲ့ဝင်များဖြစ်သည့် မန္တလေးတိုင်းဒေသကြီးအစိုးရအဖွဲ့၊ ရခိုင်ပြည်နယ်အစိုးရအဖွဲ့၊ ရန်ကုန်တိုင်းဒေသကြီး အစိုးရ အဖွဲ့နှင့် ရှမ်းပြည်နယ်အစိုးရအဖွဲ့တို့မှ စီးပွားရေးရာဝန်ကြီးများနှင့် တာဝန်ရှိပုဂ္ဂိုလ်များ တက်ရောက် ပါသည်။
ရှေးဦးစွာ ဒေသအဆင့် ပူးပေါင်းဆောင်ရွက်မှုလုပ်ငန်းအဖွဲ့ ဥက္ကဋ္ဌ၊ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီးက ဒေသအဆင့် ပူးပေါင်းဆောင်ရွက်မှု လုပ်ငန်းအဖွဲ့ ဖွဲ့စည်းမှုအခြေအနေနှင့် လုပ်ငန်းဆောင်ရွက်နေမှုအခြေအနေများ၊ ပေါင်းစပ်ညှိနှိုင်းရမည့် ကိစ္စရပ်များနှင့်စပ်လျဉ်း၍ ဆွေးနွေးပြောကြားပါသည်။
ထို့နောက် တက်ရောက်လာကြသည့် ပူးပေါင်းဆောင်ရွက်မှုလုပ်ငန်းအဖွဲ့ဝင်များမှ တရုတ် နိုင်ငံနှင့် လက်ရှိပူးပေါင်းဆောင်ရွက်နေမှုအခြေအနေများ၊ ညှိနှိုင်းပေါင်းစပ်ရန် လိုအပ်သည်များ နှင့်စပ်လျဉ်း၍ ဆွေးနွေးတင်ပြရာ ဒုတိယဝန်ကြီးက လိုအပ်သည်များကို ဖြည့်စွက်ဆွေးနွေးပြီး အစည်းအဝေးကို နံနက် (၁၁:၀၀) နာရီတွင် ရုတ်သိမ်းခဲ့ပါသည်။
သတင်းစဉ်
