ရန်ကုန်မြို့၊ စက်တင်ဘာလ ၁၅ရက်
နံနက် (၀၉:၀၀) နာရီတွင် အခွင့်ရစီးပွားရေးလုပ်ငန်းဆောင်ရွက်သူ (Authorized Economic Operators-AEO) အသိအမှတ်ပြုလက်မှတ် ချီးမြှင့်ခြင်းအခမ်းအနားကို ကုန်သည် စက်မှုအသင်းချုပ် (UMFCCI) မင်္ဂလာခန်းမ၌ ကျင်းပပြုလုပ်ခဲ့ပါသည်။
အခမ်းအနားတွင် အခွင့်ရစီးပွားရေးလုပ်ငန်းဆောင်ရွက်သူအစီအစဉ်နှင့်ပတ်သက်၍ အကောက်ခွန်ဦးစီးဌာနညွှန်ကြားရေးမှူးချုပ် ဦးသိန်းဆွေနှင့် မြန်မာနိုင်ငံဆန်/စပါးအသင်းချုပ် ဥက္ကဌ ဦးရဲမင်းအောင်တို့က အဖွင့်အမှာစကားပြောကြားခဲ့ပါသည်။
အခမ်းအနားတွင် ဌာနဆိုင်ရာ အကြီးအကဲများ၊ မြန်မာနိုင်ငံကုန်သည်များနှင့် စက်မှု လက်မှုလုပ်ငန်းရှင်များအသင်းချုပ်မှ တာဝန်ရှိသူများ၊ အသင်းအဖွဲ့များမှ တာဝန်ရှိသူများနှင့် ကုမ္ပဏီလုပ်ငန်းရှင်များ စုစုပေါင်း (၁၁၁) ဦး တက်ရောက်ခဲ့ပါသည်။
အသိအမှတ်ပြုလက်မှတ် ချီးမြှင့်ခြင်း
အကောက်ခွန်ဦးစီးဌာနမှ AEO ဆိုင်ရာ စံသတ်မှတ်ချက်များနှင့် ကိုက်ညီမှုရှိသော Exporter ကုမ္ပဏီတစ်ခုဖြစ်သည့် Shwe Wah Yaung Agriculture Production Co.,Ltd  ကို စည်းကမ်းလိုက်နာမှုအတွက် AEO (Level-1) အဖြစ် အသိအမှတ်ပြုလက်မှတ် ချီးမြှင့်ခဲ့ ပါသည်။

သတင်းစဉ်