နေပြည်တော်၊ ၂၀၂၂ ခုနှစ်၊ ဩဂုတ်လ (၂၅) ရက်

မြန်မာနိုင်ငံ ကလေးအလုပ်သမားပပျောက်ရေးဆိုင်ရာ စာရင်းကောက်ယူရေးလုပ်ငန်း ကော်မတီ၏ ဆဋ္ဌမအကြိမ် အစည်းအဝေးကို ယနေ့ နေ့လယ်  ၁၃:၃၀ နာရီအချိန်တွင် စီမံကိန်း နှင့်ဘဏ္ဍာရေးဝန်ကြီးဌာန၊ ရုံးအမှတ် (၃၂) အစည်းအဝေးခန်းမ၌ Hybrid Format (In Person + Virtual) ဖြင့်ကျင်းပရာ ကလေးအလုပ်သမား ပပျောက်ရေးဆိုင်ရာ စာရင်းကောက်ယူရေးလုပ် ငန်းကော်မတီ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဒေါ်သန်းသန်းလင်း၊ စာရင်းကောက်ယူရေးလုပ်ငန်းကော်မတီဝင်များ၊ တိုင်းဒေသကြီးနှင့် ပြည်နယ်စာရင်းကောက် ယူရေးလုပ်ငန်းကော်မတီမှ ကိုယ်စားလှယ်များနှင့်တာဝန်ရှိသူများတက်ရောက်ခဲ့ကြသည်။

အစည်းအဝေးတွင် ဒုတိယဝန်ကြီးက မြန်မာနိုင်ငံ ကလေးလုပ်သမားပပျောက်ရေးဆိုင်ရာ စာရင်းကောက်ယူရေးလုပ်ငန်းကော်မတီ၏ ပဉ္စမအကြိမ် လုပ်ငန်းညှိနှိုင်းအစည်းအဝေး ဆုံးဖြတ် ချက်များအနက် ၂၀၂၁-၂၀၂၂ ခု၊ ဘဏ္ဍာရေးနှစ် (Mini Budget) တွင် နေပြည်တော်ကောင်စီနှင့် မန္တလေးတိုင်းဒေသကြီးတို့၌ ကလေးလုပ်သားဆိုင်ရာစစ်တမ်း ကောက်ယူခဲ့မှု၊ ၂၀၂၂-၂၀၂၃ ခု၊ ဘဏ္ဍာရေးနှစ်တွင် တိုင်းဒေသကြီး/ပြည်နယ် (၅) ခု၌ ကလေးလုပ်သားဆိုင်ရာစစ်တမ်းကောက် ယူနေမှုနှင့် ၂၀၂၂-၂၀၂၃ ခု၊ ဘဏ္ဍာရေးနှစ်တွင် စစ်တမ်းကောက်ယူရန်ကျန်ရှိနေသည့် တိုင်းဒေသ ကြီး/ပြည်နယ်များအနေဖြင့် စစ်တမ်းကောက်ယူနိုင်ရေးအတွက် လုပ်ငန်းအချိန်ဇယားတို့ကို ပြုစု၍  စာရင်းကောက်ယူရေးလုပ်ငန်းကော်မတီသို့ပေးပို့ကြရန် ဆွေးနွေးပြောကြားပြီး စစ်တမ်း ကောက်ယူရေးလုပ်ငန်းများဆောင်ရွက်ရာတွင် လုပ်ငန်းကော်မတီအဖွဲ့ဝင်များအနေဖြင့် ပူးပေါင်း ဆောင်ရွက်ပေးကြရန်တိုက်တွန်းပြောကြားပါသည်။

ဆက်လက်၍ လုပ်ငန်းကော်မတီ အတွင်းရေးမှူး၊ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်က စစ်တမ်းကောက်ယူရေး လုပ်ငန်းဆောင်ရွက်နေမှုအခြေအနေနှင့် ရှေ့ဆက်ဆောင်ရွက်မည့်ကိစ္စရပ်များနှင့် စပ်လျဉ်း၍ ရှင်းလင်းတင်ပြပြီး သက်ဆိုင်ရာ တိုင်းဒေသကြီးနှင့် ပြည်နယ် စာရင်းကောက်ယူရေးလုပ်ငန်းကော်မတီအဖွဲ့ဝင်များက စစ်တမ်းကောက်ယူရေးလုပ်ငန်း ဆောင် ရွက်မှုနှင့်ပတ်သက်၍ ဆွေးနွေးတင်ပြကြပါသည်။

ထို့နောက် ကလေးအလုပ်သမားပပျောက်ရေးဆိုင်ရာ စာရင်းကောက်ယူရေးလုပ်ငန်းကော်မတီ ဥက္ကဋ္ဌက နိဂုံးချုပ်အမှာစကား ပြောကြားခဲ့ပါသည်။