_0.png)
, 
, 
, 
, 
စီမံကိန်းနှင့် ဘဏ္ဍာရေးဝန်ကြီးဌာန၏ ၂၀၁၆-၂၀၁၇ ဘဏ္ဍာနှစ်နှင့် ၂၀၁၇-၂၀၁၈ ဘဏ္ဍာနှစ် လုပ်ငန်းဆောင်ရွက်မှုအပေါ် ပြန်လည် သုံးသပ်ခြင်း၊ ၂၀၁၈-၂၀၁၉ ဘဏ္ဍာနှစ်တွင် ဆောင်ရွက်မည့် ရှေ့လုပ်ငန်းစဉ်များနှင့် ပတ်သက်၍ လုပ်ငန်းညှိနှိုင်းအစည်းအဝေးကို ယနေ့ နံနက် ၉ နာရီတွင် စီမံကိန်းနှင့် ဘဏ္ဍာရေးဝန်ကြီးဌာန ရုံးအမှတ် (၁) အစည်းအဝေးခန်းမ၌ ကျင်းပရာ ပြည်ထောင်စုဝန်ကြီး ဦးကျော်ဝင်း တက်ရောက် အဖွင့်အမှာစကား ပြောကြားသည်။
ထို့နောက် ဝန်ကြီးဌာန အောက်ရှိ ဦးစီးဌာန/လုပ်ငန်း/ အဖွဲ့အစည်း အကြီးအကဲများက ၂၀၁၆-၂၀၁၇ ဘဏ္ဍာနှစ်နှင့် ၂၀၁၇-၂၀၁၈ ဘဏ္ဍာနှစ် (၂) နှစ်တာ လုပ်ငန်းဆောင်ရွက်မှုအပေါ် ပြန်လည်သုံးသပ်ခြင်းနှင့် ၂၀၁၈-၂၀၁၉ ဘဏ္ဍာနှစ်တွင် ဆောင်ရွက်မည့် ရှေ့လုပ်ငန်းစဉ်များကို ရှင်းလင်းတင်ပြကြသည်။
ဆက်လက်၍ လုပ်သက် (၁) နှစ်အောက် ဝန်ထမ်းများမှ လုပ်ငန်းအတွေ့အကြုံနှင့် လုပ်ငန်းသဘာဝ အပေါ် ၎င်းတို့၏အမြင်များကို တင်ပြဆွေးနွေးကြသည်။
မွန်းလွဲပိုင်းတွင် ထူးချွန်ဝန်ထမ်းများအား ဆုချီးမြှင့်ပွဲ အခမ်းအနားကို ဆက်လက် ကျင်းပရာ လုပ်ငန်းစွမ်းဆောင်ရည်ဆုရ ဝန်ထမ်း (၄) ဦး၊ စာပေ၊ ဆောင်းပါးနှင့် ဓာတ်ပုံမှတ်တမ်း ထူးချွန်ဆုရ ဝန်ထမ်း (၁၆) ဦး၊ တင်ပြချက်အကောင်းဆုံးဆုရ ဝန်ထမ်း (၂) ဦး၊ လူမှုထူးချွန်ဆုရ ဝန်ထမ်း (၂) ဦး၊ သင်တန်း/ စာပေ ထူးချွန်ဆုရ ဝန်ထမ်း (၁၅) ဦး၊ အားကစား ထူးချွန်ဆုရ ဝန်ထမ်း (၁၀) ဦး၊ တိုင်းဒေသကြီး/ပြည်နယ်အဆင့် ထူးချွန်ဆုရဝန်ထမ်း (၂) ဦး၊ ဝန်ကြီးဌာနအတွင်း တာဝန်ထမ်းဆောင်လျက်ရှိသည့် မျိုးဆက်အများဆုံးရှိသည့် ဝန်ထမ်းဆုရ ဝန်ထမ်း (၂) ဦး တို့အား ပြည်ထောင်စုဝန်ကြီးနှင့် ဒုတိယဝန်ကြီးမျာက ဆုများ ပေးအပ် ချီးမြှင့်ခဲ့ကြသည်။
ညှိနှိုင်းအစည်းအဝေးသို့ တိုင်းဒေသကြီး/ပြည်နယ်များမှ စီမံကိန်းနှင့် ဘဏ္ဍာရေး ဝန်ကြီးဌာန အောက်ရှိ ဦးစီးဌာန/လုပ်ငန်း/အဖွဲ့အစည်း တာဝန်ခံများနှင့် တာဝန်ရှိသူများ တက်ရောက်ကြကြောင်း သတင်းရရှိသည်။(သတင်းစဉ်)
နေပြည်တော် ဧပြီ ၉