စီမံကိန်းနှင့်ဘဏ္ဍာရေးဝန်ကြီးဌာန

ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး

         နောက်ခံသမိုင်းအကျဉ်းချုပ်၊မူဝါဒ၊ရည်မှန်းချက်၊လုပ်ငန်းတာဝန်များနှင့်ပြုပြင်ပြောင်းလဲရေးဆောင်ရွက်နိုင်မှုများ

ကော်မရှင်စတင်ဖွဲ့စည်းခြင်း

၁။        မြန်မာနိုင်ငံတွင်အရင်းအနှီးစျေးကွက်တစ်ရပ် အကောင်အထည်ဖော်ဆောင်ရွက်နိုင်ရန် စျေးကွက်၌ ရင်းနှီးမြှုပ်နှံမည့် အများပြည်သူ များအား ဥပဒေနှင့်အညီ အကာအကွယ်ပေးရန် နှင့် ငွေချေးသက်သေခံလက်မှတ်စျေးကွက်၌ ပါဝင်ဆောင်ရွက်ကြမည့် ငွေချေးသက်သေခံ လက်မှတ်များ ထုတ်ဝေမည့် အများပိုင်ကုမ္ပဏီများ၊ စတော့အိတ်ချိန်းနှင့်ငွေချေး သက်သေခံလက်မှတ်ကုမ္ပဏီများအား စည်းမျဉ်း၊ စည်းကမ်း များဖြင့် စနစ်တကျ ကွပ်ကဲထိန်းကျောင်းနိုင်ရန်အတွက် ငွေချေးသက်သေခံလက်မှတ်များ လဲလှယ်ရောင်းဝယ်ရေး ဥပဒေ (၂၀/၂၀၁၃) ကို ၂၀၁၃ ခုနှစ်၊ ဇူလိုင်လ၊ ၃၁ရက်နေ့တွင် ပြဌာန်းခဲ့ပါသည်။

၂။        ပြည်ထောင်စုအစိုးရအဖွဲ့သည် ယင်းဥပဒေ အခန်း(၃) ပုဒ်မ-၄ အရ ဘဏ္ဍာရေးဝန်ကြီး ဌာန၊ ဒုတိယဝန်ကြီးမှ ဥက္ကဌအဖြစ် ဆောင်ရွက်ပြီး အဖွဲ့ဝင်(၇)ဦး ပါဝင်သော“ငွေချေးသက်သေခံ လက်မှတ်လုပ်ငန်းကြီးကြပ်ရေးကော်မရှင်” (Securities and Exchange Commission of Myanmar) ကို ၁၉-၈-၂၀၁၄ရက်စွဲပါအမိန့်ကြော်ငြာစာအမှတ် (၆၄/၂၀၁၄)ဖြင့် အောက်ဖော်ပြပါ ပုဂ္ဂိုလ် များဖြင့် ဖွဲ့စည်းခဲ့ပါသည်။

(၁)     ဒေါက်တာမောင်မောင်သိမ်း (ဥက္ကဋ္ဌ)

(၂)     ဒေါက်တာတင်လှကြည် (အဖွဲ့ဝင်)

(၃)     ဒေါ်ခင်လေးမြင့် (အဖွဲ့ဝင်)

(၄)     ဦးဌေးချွန် (အဖွဲ့ဝင်)

(၅)     ဒေါ်တင်ကြည်ဦး (အဖွဲ့ဝင်)

(၆)     ဒေါ်တင်မေဦး (အဖွဲ့ဝင်)

(၇)     ညွှန်ကြားရေးမှူးချုပ် (အတွင်းရေးမှူး)

၃။    ဒုတိယဝန်ကြီး ဒေါက်တာ မောင်မောင်သိမ်းသည် ၁-၅-၂၀၁၆ ရက်နေ့မှစ၍ နှုတ်ထွက် ခဲ့ပြီး ပြည်ထောင်စုအစိုးရအဖွဲ့မှ ၇-၆-၂၀၁၆ ရက်စွဲပါ အမိန့်ကြော်ငြာစာအမှတ် (၄၂/၂၀၁၆) ဖြင့် ငွေချေဒုတိယဝန်ကြီး ဒေါက်တာ မောင်မောင်သိမ်းသည် ၁-၅-၂၀၁၆ ရက်နေ့မှစ၍ နှုတ်ထွက် ခဲ့သည့်အတွက် ပြည်ထောင်စုအစိုးရအဖွဲ့မှ ၇-၆-၂၀၁၆ ရက်စွဲပါ အမိန့်ကြော်ငြာစာအမှတ် (၄၂/၂၀၁၆)ဖြင့် ငွေချေးသက်သေခံလက်မှတ်လုပ်ငန်းကြီးကြပ်ရေး ကော်မရှင်ဥက္ကဋ္ဌအဖြစ် စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းအား ခန့်အပ် တာဝန်ပေးခဲ့ပါသည်။ ငွေချေးသက်သေခံ လက်မှတ်များလဲလှယ်ရောင်းဝယ်ရေး နည်းဥပဒေ-၁၂ အရ အနားယူခဲ့သော ကော်မရှင်အဖွဲ့ဝင် ဒေါ်တင်ကြည်ဦးအစား စာရင်းစစ်ချုပ်ရုံးမှ ဦးသိန်းမြင့် (ဒုတိယညွှန်ကြားရေး မှူးချုပ် (ငြိမ်း) စာရင်းစစ်ချုပ်ရုံး)အား ပြည်ထောင်စုအစိုးရအဖွဲ့ရုံး၏ ၆-၂-၂၀၁၇ ရက်စွဲပါ အမိန့် ကြော်ငြာစာအမှတ်၊ ၁၂/၂၀၁၇ ဖြင့် ကော်မရှင်အဖွဲ့ဝင်အဖြစ် တာဝန်ပေးအပ်ခဲ့ပါသည်။ ထို့ပြင် ငွေချေးသက်သေခံလက်မှတ်များ လဲလှယ်ရောင်းဝယ်ရေး နည်းဥပဒေ-၁၂အရ အနားယူခဲ့သော ကော်မရှင် အဖွဲ့ဝင် ဒေါက်တာ တင်လှကြည်အစား ဒေါ်နွဲ့နွဲ့ဝင်း (ညွှန်ကြားရေးမှူးချုပ်(ငြိမ်း) ရသုံးမှန်းခြေငွေစာရင်းဉီးစီးဌာန)အား နိုင်ငံတော် စီမံအုပ်ချုပ်ရေးကောင်စီ၏ ၁-၄-၂၀၂၁ ရက် စွဲပါ အမိန့် ကြော်ငြာစာအမှတ်၊ ၉၁/၂၀၂၁ ဖြင့် ကော်မရှင်အဖွဲ့ဝင်အဖြစ် တာဝန်ပေးအပ်ခဲ့ပါသည်။

၄။     လက်ရှိကော်မရှင်အဖွဲ့ဝင်များမှာ အောက်ပါအတိုင်းဖြစ်ပါသည်-

(၁)     ဦးမောင်မောင်ဝင်း (ဥက္ကဋ္ဌ)

(၂)     ဒေါက်တာလေးကြည် (အဖွဲ့ဝင်)

(၃)     ဒေါ်သင်းသင်းအေး (အဖွဲ့ဝင်)

(၄)     ဦးသိန်းမြင့် (အဖွဲ့ဝင်)

(၅)     ဒေါ်တင်တင်အုန်း (အဖွဲ့ဝင်)

(၆)     ဒေါ်နွဲ့နွဲ့ဝင်း (အဖွဲ့ဝင်)

(၇)     ဦးမင်းဇော်ဝင်း (အတွင်းရေးမှူး)

မူဝါဒ

၄။     မူဝါဒများမှာ အောက်ပါအတိုင်းဖြစ်ပါသည်-

(က)   ငွေချေးသက်သေခံလက်မှတ်ဈေးကွက်နှင့် ပြည်တွင်းငွေချေးစာချုပ်ဈေးကွက် ကို တစ်ပြိုင်တည်း ဖွံ့ဖြိုးတိုးတက်စေပြီး လှည့်လည်သုံးစွဲငွေများမှ ရင်းနှီးငွေ အဖြစ် ပြောင်းလဲစေခြင်းဖြင့် ငွေဖောင်းပွမှုနှုန်းကို လျော့ကျစေရန်၊

(ခ )  အစိုးရငွေတိုက်စာချုပ်သာမက မြူနီစပယ်နှင့် ကော်ပိုရိတ်ငွေချေးစာချုပ်များ တိုးချဲ့ ထုတ်ဝေနိုင်ရေးအတွက် ပံ့ပိုးပေးရန်၊

(ဂ )   ငွေချေးစာချုပ်ရောင်းဝယ်သည့်ဈေးကွက် (Secondary or Trading Market) ဖွံ့ဖြိုးတိုးတက်စေရေးအတွက် ဆောင်ရွက်ရန်။

ရည်မှန်းချက်

   ရည်မှန်းချက်များမှာ အောက်ပါအတိုင်းဖြစ်ပါသည်-

(က)   အစုရှယ်ယာဈေးကွက်နှင့် ပြည်တွင်းငွေချေးစာချုပ်ဈေးကွက်ဖွံ့ဖြိုး တိုးတက်မှု ပိုမိုကျယ်ပြန့်ရေးဆောင်ရွက်ရန်၊

(ခ )  ပြည်သူလူထုအနေဖြင့် ရင်းနှီးမြှုပ်နှံမှု အခွင့်အလမ်းများ တိုးတက်ရရှိစေရန်၊

(ဂ )  အများနှင့်သက်ဆိုင်သောကုမ္ပဏီများမှ အများပြည်သူသို့အစုရှယ်ယာရောင်းချ ခြင်းဖြင့်လုပ်ငန်းအတွက် လိုအပ်သည့် ငွေအရင်းအနှီးများ အလွယ်တကူ ရရှိကာလုပ်ငန်းများ ပိုမိုတိုးချဲ့၍ အလုပ်အကိုင်အခွင့်အလမ်းများ တိုးပွားလာ စေရန်။

အဓိကလုပ်ငန်းတာဝန်များ

၆။    ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးသည် အောက်ပါ လုပ်ငန်း တာဝန်များအား ဆောင်ရွက်လျက်ရှိပါသည်-                                                                                                                                                                                                                                                 

(က)    ငွေချေးသက်သေခံလက်မှတ်လုပ်ငန်းလိုင်စင် ထုတ်ပေးခြင်း။

(ခ )    စတော့အိပ်ချိန်း တည်ထောင်ခွင့်ပြုမိန့် ထုတ်ပေးခြင်း။

(ဂ )    စာရင်းမဝင်သော ငွေချေးသက်သေခံလက်မှတ်များရောင်းဝယ်ရေး အတွက် ကောင်တာစျေးကွက်တည်ထောင်ရန် ခွင့်ပြုမိန့်ထုတ်ပေးခြင်း။

(ဃ)    ငွေချေးသက်သေခံလက်မှတ်လုပ်ငန်းနှင့်သက်ဆိုင်သော ကိစ္စရပ်များနှင့်စပ်လျဉ်း၍ လိုအပ်သည့် အကြံဉာဏ်များကို ပြည်ထောင်စုအစိုးရအဖွဲ့ထံသို့ တင်ပြခြင်း။

(c)    ငွေချေးသက်သေခံလက်မှတ်လုပ်ငန်းကို ကြီးကြပ်ကွပ်ကဲခြင်းအပြင် အခါအား လျော်စွာ စုံစမ်းမှုနှင့် စစ်ဆေးမှုများ ပြုလုပ်ခြင်း။

(စ)   အများနှင့်သက်ဆိုင်သောကုမ္ပဏီ၊ ငွေချေးသက်သေခံလက်မှတ်ကုမ္ပဏီ၊ ကောင်တာစျေးကွက်၊ စတော့အိပ်ချိန်း နှင့် ယင်းအဖွဲ့အစည်းများ ၏ တာဝန် ရှိသူ၊ အဖွဲ့ဝင်၊ ဝန်ထမ်းနှင့်ကိုယ်စားလှယ်အဖြစ် ဆောင်ရွက်နေသူ(သို့မဟုတ်) ဆောင်ရွက်ခဲ့ဖူးသူ၊ လိုင်စင်ရရှိသူ (သို့မဟုတ်) ယင်း လိုင်စင်ရရှိသူ၏ ရှေ့နေ၊ စာရင်းစစ်နှင့်    

       ကိုယ်စားလှယ်တို့၏လုပ်ငန်းဆိုင်ရာစာရင်းများကို သက်ဆိုင်ရာ မြန်မာနိုင်ငံစာရင်းကိုင်စံများနှင့်အညီ စာရင်းထိန်းသိမ်းစေရန် ကြီးကြပ်ရမည့်အပြင်ထပ်မံလိုအပ်သောစာရင်းများ၊ စာရွက်စာတမ်းများ၊ ရှင်းတမ်းများ၊ အခြား အထောက်အထားများ နှင့် သတင်းအချက်အလက်များကို တောင်းခံရယူခြင်း။

(ဆ)  ငွေချေးသက်သေခံလက်မှတ်လုပ်ငန်း နိုင်ငံတကာအဆင့်မီ ဖွံ့ဖြိုးတိုးတက် စေရေးအတွက် သုတေသန နှင့် ဖွံ့ဖြိုးမှုလုပ်ငန်းများ ဆောင်ရွက်ခြင်း ကို လည်းကောင်း၊ နိုင်ငံတကာမှ ငွေချေးသက်သေခံလက်မှတ်လုပ်ငန်းကို ကြီးကြပ် သော အဖွဲ့အစည်းများ၊ ယင်းအဖွဲ့အစည်းတို့နှင့် ဆက်နွယ်သောလုပ်ငန်းများ၊ ဌာန၊ အဖွဲ့အစည်းများ

        နှင့် ဆက်သွယ်ခြင်း။

(ဇ)    ပြည်ထောင်စုအစိုးရအဖွဲ့မှ ပေးအပ်သောလုပ်ငန်းတာဝန်များကို ထမ်းဆောင်ခြင်း။

ပြုပြင်ပြောင်းလဲရေးဆောင်ရွက်နိုင်ခဲ့မှုများ

၇။   ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးသည် အောက်ပါ ပြုပြင်ပြောင်းလဲရေးလုပ်ငန်းများ ဆောင်ရွက်ခဲ့ပါသည်-

(က)   ၂၇- ၄- ၂၀၁၅  ရက်နေ့တွင်  ရန်ကုန်စတော့အိပ်ချိန်းဖက်စပ်ကုမ္ပဏီလီမိတက် ကို စတော့အိပ်ချိန်းလုပ်ငန်းလုပ်ကိုင်ခွင့် ခွင့်ပြုခဲ့ပါသည်။

(ခ )  ရန်ကုန်စတော့အိပ်ချိန်း (YSX)  ၏ ငွေချေးသက်သေခံလက်မှတ်များလဲလှယ် ရောင်းဝယ်မှုဆိုင်ရာ လုပ်ဆောင်ချက်များအတွက်ငွေပေးချေစာရင်းရှင်းလင်းမှု ဆောင်ရွက်မည့်   ဘဏ်ရွေးချယ်ရန် “စံ”သတ်မှတ်ချက်များကို နိုင်ငံပိုင် သတင်းစာများ၌ ၁၁-၃-၂၀၁၅  ရက်စွဲပါ ကြေညာချက်အမှတ်(၃/၂၀၁၅) ဖြင့် ထုတ်ပြန်ကြေညာပြီး “စံ”များ နှင့်

        ညီညွတ်သည့် ကမ္ဘောဇဘဏ်အား Settlement အဖြစ် ရွေးချယ်သတ်မှတ်ခဲ့ပါသည်။

(ဂ )   ငွေချေးသက်သေခံလက်မှတ်များလဲလှယ်ရောင်းဝယ်ရေးဥပဒေပုဒ်မ ၇(က) အရ ငွေချေးသက်သေခံလက်မှတ်လုပ်ငန်းကုမ္ပဏီ (၅)ခု ဖြစ်သည့် Myanmar Securities Exchange Center (MSEC)၊ KBZ Stirling Coleman Securities Co.,Ltd၊ Aya Trust Securities Co.,Ltd၊  CB Securities Ltd နှင့် KTZ Ruby Hill Securities Co.,Ltd 

        တို့ကို ၁၃-၃-၂၀၁၆ ရက်နေ့ တွင် ငွေချေးသက်သေခံလက်မှတ်များကို တာဝန်ခံ၍ တစ်ဆင့်ဖြန့်ချိ ရောင်းချခြင်း (Underwriting)လိုင်စင် ထုတ်ပေးခဲ့ပါသည်။ ထို့နောက်Amara Investment Securities Co.,Ltd ကို ၂၀-၁၁-၂၀၁၆ရက်နေ့တွင် ထပ်မံ၍ လိုင်စင် ထုတ်ပေးခဲ့ပါသည်။

(ဃ)   ရန်ကုန်စတော့အိပ်ချိန်းဖွင့်ပွဲအခမ်းအနားကို ၉-၁၂-၂၀၁၅ ရက်နေ့တွင်ကျင်းပ ခဲ့ပါသည်။

(င )  ရန်ကုန်စတော့အိပ်ချိန်း ၌ စာရင်းဝင်ကုမ္ပဏီ အဖြစ် First   Myanmar Investment Co., Ltd  ကို ၂၅-၃-၂၀၁၆ ရက်နေ့တွင် လည်းကောင်း၊ Myanmar  Thilawa SEZ  Holding Public Ltd ကို ၂၀-၅-၂၀၁၆ ရက် နေ့တွင် လည်းကောင်း၊ Myanmar Citizens Bank  Limited ကို ၂၆-၈-၂၀၁၆ ရက်နေ့တွင်လည်းကောင်း ၊ First Private Bank 

        Ltd ကို ၂၀-၁-၂၀၁၇ ရက် နေ့တွင် လည်းကောင်း ခွင့်ပြုခဲ့ပြီး ရှယ်ယာ အရောင်းအဝယ်များ ဆောင်ရွက် လျက် ရှိပါသည်။

(စ )   ၆-၂-၂၀၁၆ ရက်နေ့ နှင့် ၁၄-၅-၂၀၁၆ ရက်နေ့ တို့တွင် လိုင်စင်ရ Securities Company များမှ Securities  Representative License လျှောက်ထားသည့် ကုမ္ပဏီဝန်ထမ်းများအားသင်တန်းပို့ချပေးခဲ့ပြီး Securities Representative License Examination ကို (၂)ကြိမ်ကျင်းပ၍ စာမေးပွဲအောင်မြင်သူ စုစုပေါင်း (၇၇) ဦး အား

        လိုင်စင်ထုတ်ပေးခဲ့ပါသည်။

(ဆ)   ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးမှ ၂၀၁၆ ခုနှစ် အောက်တိုဘာလ အထိ အသိအမှတ်ပြုလက်မှတ် Acknowledgement Certificate ကို အရင်းအနှီးဈေးကွက်ဆိုင်ရာ သင်တန်းများ ဖွင့်လှစ်သည့် သင်တန်းကျောင်း(၉)ကျောင်း အား ထုတ်ပေးခဲ့ပါသည်။

(ဇ)   အများနှင့်သက်ဆိုင်သောကုမ္ပဏီများ၏ အလားအလာညွှန်းတမ်း ရေးသား ပြုစုရာတွင် ရင်းနှီးမြှုပ်နှံမည့်သူများ သိရှိရမည့် သတင်းအချက်အလက် မျာ ပြည့်စုံစွာပါရှိရန် အတွက် အလားအလာညွှန်းတမ်းပုံစံ အား DICA၊ MAC တို့နှင့် ညှိနှိုင်းဆွေးနွေး၍ ထုတ်ပြန်ပေးခဲ့ပါသည်။