ရသုံးမှန်းခြေငွေစာရင်းဦးစီးဌာနနှင့်ကမ္ဘာ့ဘဏ်တို့ ပူးပေါင်း၍ ၃၀.၁၁.၂၀၁၈ ရက်နေ့၊ နံနက် (၁၀:၀၀) နာရီမှ (၁၂:၀၀) နာရီအထိ Hilton Hotel, နေပြည်တော်၌ Myanmar Social Sector Collaboration on Spending Efficiency Enhancement “Collaborate to Deliver Workshop”ကိုကျင်းပပြုလုပ်ခဲ့ပါသည်။Workshop ကျင်းပရသည့် ရည်ရွယ်ချက်မှာ line agencies များ တွေ့ဆုံ၍ ဘတ်ဂျက် အကောင်အထည်ဖော်နိုင်မှုနှုန်းများ တိုးတက်စေရန် အလို့ငှာ ဘတ်ဂျက် အကောင်အထည်ဖော်ရာတွင် နှောင့်နှေးမှုများ ဖြစ်စေသည့် အခက်အခဲများ အားဖော်ထုတ်ဆွေးနွေးရန် ဖြစ်ပါသည်။အဆိုပါ Workshop သို့ ကမ္ဘာ့ဘဏ်မှ တာဝန်ရှိပုဂ္ဂိုလ်များ၊ ပညာရေးဝန်ကြီးဌာန၊ ကျန်းမာရေးနှင့် အားကစားဝန်ကြီးဌာနမှ ဘဏ္ဍာရေးတာဝန်ခံများ၊ ရသုံးမှန်းခြေငွေစာရင်းဦးစီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များနှင့် တာဝန်ရှိပုဂ္ဂိုလ်များတက်ရောက် ဆွေးနွေးခဲ့ကြပါသည်။ ရသုံးမှန်းခြေ ငွေစာရင်းဦးစီးဌာန၊ ညွှန်ကြားရေးမှူးချုပ်မှ အဖွင့်အမှာစကား ပြောကြားခဲ့ပြီး ကမ္ဘာ့ဘဏ်မှ Economist ဖြစ်သူ Mr. Thanapat နှင့် ရသုံးမှန်းခြေငွေစာရင်းဦးစီးဌာန၊ ဘတ်ဂျက်တာဝန်ခံဝန်ထမ်းများမှ ပညာရေး ဝန်ကြီးဌာနနှင့် ကျန်းမာရေးနှင့် အားကစားဝန်ကြီးဌာနတို့၏ ဘတ်ဂျက် လေ့လာသုံးသပ်မှုတွေ့ရှိချက်များ နှင့် ပတ်သက်၍ တင်ပြခဲ့ကြပါသည်။ထို့နောက် အုပ်စုများခွဲ၍ ဘတ်ဂျက်အကောင်အထည်ဖော်ရာတွင် ရင်ဆိုင် နေရသည့် အခက်အခဲများအား အုပ်စုလိုက် ဆွေးနွေးကာ တွေ့ရှိချက်များအားပြန်လည် တင်ပြခဲ့ကြပြီး ရသုံးမှန်းခြေငွေစာရင်းဦးစီးဌာန၊ ဒုတိယညွှန်ကြားရေးမှူးချုပ် ဒေါ်ရီရီမြင့်မှ နိဂုံးချုပ် အမှာစကား ပြောကြား ခဲ့ပါသည်။