စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာ့အာမခံလုပ်ငန်းရုံးချုပ်တွင် Taiyo Life Insurance Company ထံသို့ ကျေးဇူးတင်လွှာပေးအပ်ခြင်းအခမ်းအနားကို ယနေ့ (၄.၁၂.၂၀၁၈) ရက်နေ့ နံနက် (၁၀:၃၀) နာရီတွင် ကျင်းပပြုလုပ်ရာ မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦး၊ ဌာနအကြီးအကဲများ၊ အရာထမ်းများ၊ Taiyo Life Insurance Company ၏ Representative Director and President Mr. Katsuhide Tanaka, Executive Managing Officer Mr. Kyoji Kumata, General Manager Mr. Katsuhiro Kubota, Advisor Mr. Sein Min, Chief Representative Mr. Takeshi Shimada, Actuary Mr. Yu Namba, IT Professional Mr. Koki Ichikawa, Manager Mr. Yuto Takeuchi, Assistant Manager Ms. Phyu Phyu Zin နှင့် Ms. Nang Khin Myo Htet တို့တက်ရောက်ခဲ့ကြပါသည်။

အဆိုပါအခမ်းအနားတွင် မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦး က အမှာစကားပြောကြားရာတွင် မြန်မာ့အာမခံလုပ်ငန်း၏ Digital နည်းပညာကဏ္ဍတွင် Taiyo Life Insurance Co., Ltd. က ၂၀၁၂ ခုနှစ်မှစ၍ ယနေ့အချိန်ထိ စဉ်ဆက်မပြတ် ပံ့ပိုးကူညီမှုများ ပေးလျက်ရှိပါကြောင်း၊ ကွန်ပျူတာနှင့် ဆက်စပ်ပစ္စည်းများပံ့ပိုးပေးခြင်းများအပြင် နည်းပညာပိုင်းဆိုင်ရာများတွင်လည်း software များလှူဒါန်းခြင်း၊ ဝန်ထမ်းစွမ်းဆောင်ရည်မြှင့်တင်သည့်သင်တန်းများလည်း ပို့ချပေးခဲ့ပါ ကြောင်း၊ ၂၀၁၄ ခုနှစ်အတွင်း မြန်မာ့အာမခံစျေးကွက်တွင် ကျန်းမာရေးအာမခံ အကောင် အထည်ပေါ်လာစေရန်အတွက် Product အသစ်တီထွင်ဖန်တီးခြင်း၊ အာမခံသင်္ချာပညာရှင် များ၏အကူအညီဖြင့် ပရီမီယံနှုန်းများ သတ်မှတ်ခြင်း၊ ကျန်းမာရေးအာမခံ တစ်နှစ်စမ်းသပ် ရောင်းချပြီးနောက် Product Review ပြုလုပ်ရာ၌ ပါဝင်ကူညီခြင်းနှင့် Product update ပြုလုပ်ပေးခြင်းများ၌ပါဝင်ကူညီဆောင်ရွက်ပေးခဲ့ပါကြောင်း၊ ကျန်းမာရေးအာမခံ ကွန်ပျူတာ စနစ်ကို မြန်မာ့အာမခံလုပ်ငန်းသို့ (၂)နှစ်အခမဲ့အသုံးပြုရန်လည်း ခွင့်ပြုပေးခဲ့ပါကြောင်း၊ ၂၀၁၅ ခုနှစ်တွင် ငွေစာရင်းလုပ်ငန်းကွန်ပျူတာစနစ်ကိုလည်း မြန်မာ့အာမခံလုပ်ငန်းသို့ လှူဒါန်းခဲ့ပါကြောင်း၊ ၂၀၁၇ ခုနှစ်အတွင်း၌လည်း နိုင်ငံ့ဝန်ထမ်းအသက်အာမခံ(ကာလတို) လုပ်ငန်းသစ် ဆောင်ရွက်နိုင်ရန်အတွက် ပရီမီယံနှုန်းတွက်ချက်ရာတွင် အာမခံသင်္ချာပညာ ရှင်များ၏အကူအညီများဖြင့် ပံ့ပိုးကူညီပေးခဲ့ပါကြောင်း၊ ၂၀၁၈ ခုနှစ်တွင်လည်း မြန်မာ့ အာမခံလုပ်ငန်း၊ အသက်အာမခံသင်တန်း ပို့ချရာတွင် ပိုမိုထိရောက်မှုရှိစေရန်အတွက် သင်တန်းမှတ်စု ပြုစုပေးလျက်ရှိနေပါကြောင်းနှင့် ၄င်းအပြင် အသက်အာမခံလုပ်ငန်းသစ် တီထွင်ရာ၌လည်း ယနေ့အချိန်ထိကူညီပံ့ပိုးနေဆဲဖြစ်ပါကြောင်း၊ သို့ဖြစ်ပါ၍ မြန်မာ့အာမခံ လုပ်ငန်းကိုယ်စား Taiyo Life Insurance Co., Ltd. သို့ ကျေးဇူးတင်လွှာ ပေးအပ်ခြင်းဖြစ်ပါကြောင်း ပြောကြားခဲ့ပါသည်။

ယင်းနောက် မြန်မာ့အာမခံလုပ်ငန်း၏ ဦးဆောင်ညွှန်ကြားရေးမှူး ဒေါက်တာ စန္ဒာဦးမှ Taiyo Life အာမခံကုမ္ပဏီ Representative Director and President Mr. Katsuhide Tanaka ထံသို့ ကျေးဇူးတင်လွှာအား ပေးအပ်ခဲ့ပြီး မှတ်တမ်းဓါတ်ပုံများ ရိုက်ကူးခဲ့ပါသည်။