မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း (Myanmar Sustainable Development Plan - MSDP) အကောင်အထည်ဖော်ရာ၌ စောင့်ကြည့်အကဲဖြတ်နိုင်စေရန်အတွက် အမျိုးသားညွှန်ကိန်းမူဘောင် (National Indicator Framework - NIF) တစ်ရပ် ဖွံ့ဖြိုးလာစေရေးအတွက် အုပ်ချုပ်ရေး (Governance) လုပ်ငန်းအဖွဲ့ ဆွေးနွေးပွဲအား ၂၀၁၈ခုနှစ်၊ ဩဂုတ်လ (၁၇) ရက်နေ့တွင် စီမံကိန်းနှင့်ဘဏ္ဍာရေး ဝန်ကြီးဌာန၊ ရုံးအမှတ်(၃၂) အစည်းအဝေးခန်းမ၌ ကျင်းပရာ ဗဟိုစာရင်းအင်းအဖွဲ့ ဒုတိယ ညွှန်ကြားရေးမှူးချုပ် ဦးသန်းဇော်မှ  အဖွင့်အမှာစကား ပြောကြားခဲ့ပါသည်။

          ဗဟိုစာရင်းအင်းအဖွဲ့ ဒုတိယညွှန်ကြားရေးမှူးချုပ် ဦးသန်းဇော်မှ အဖွင့်အမှာစကား ပြောကြားရာတွင် ယခုကျင်းပသည့် ဆွေးနွေးပွဲသည် မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း အကောင်အထည်ဖော်ရာ၌ စောင့်ကြည့်အကဲ ဖြတ်နိုင်စေရန် အမျိုးသားညွှန်ကိန်းမူဘောင်တစ်ရပ် ဖွံ့ဖြိုးလာစေရေးနှင့် စီးပွားရေး လုပ်ငန်း အမျိုးမျိုးကို ပံပိုးပေးမည့် အုပ်ချုပ်မှုကောင်းမွန်စေရေး မဟာဗျူဟာ (၁.၄) နှင့် မဟာဗျူဟာ (၁.၅) အတွက် လုပ်ငန်းအဖွဲ့- ၂ (Governance) ၏ လုပ်ငန်းအဖွဲ့ ​ဆွေးနွေးပွဲ ဖြစ်ပါကြောင်း၊ စောင့်ကြည့်လေ့လာခြင်းနှင့် အကဲဖြတ်ခြင်းလုပ်ငန်းအတွက် လိုအပ်လျက်ရှိသော ညွှန်ကိန်းများ ကို သက်ဆိုင်ရာ ဝန်ကြီးဌာန/ ဦးစီးဌာနများမှ ပူးပေါင်းဖော်ထုတ်သွားရန် လိုအပ်ပါကြောင်း၊  မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း (Myanmar Sustainable Development Plan-MSDP) လုပ်ငန်းစဉ် တစ်လျှောက် မျက်ခြေမပြတ် စောင့်ကြည့် လေ့လာရန်အတွက် အမျိုးသားညွှန်ကိန်း မူဘောင်ကို အကောင်အထည်ဖော်ရခြင်း ဖြစ်ပါကြောင်း၊ ညွှန်ကိန်းများ ကောင်းမွန်စွာ ပေါ်ထွက်လာစေရေး ဝိုင်းဝန်းဆွေးနွေး ပေးကြစေလိုပါကြောင်း ပြောကြားခဲ့ပါသည်။

ထို့နောက် လုပ်ငန်းအဖွဲ့(၂) ဆွေးနွေးပွဲသို့ တက်ရောက်လာကြသော သက်ဆိုင်ရာဌာန များမှ  အဖွဲ့ဝင်များသည် အုပ်စုများခွဲ၍ မဟာဗျူဟာအလိုက် တိုင်းတာနိုင်မည့် ညွှန်ကိန်းများ အပေါ် ဝိုင်းဝန်းအကြံပြုဆွေးနွေးခဲ့ကြပါသည်။ ဆွေးနွေးမှုရလဒ်များအား အဖွဲ့ဝင်တစ်ဦးချင်းစီမှ အကျဉ်းချုပ်၍ ရှင်းလင်းတင်ပြခဲ့ပါသည်။

ဆွေးနွေးမှုရလဒ်များအား အဖွဲ့ဝင်တစ်ဦးချင်းစီမှ အကျဉ်းချုပ်၍ ရှင်းလင်းတင်ပြခဲ့ပါ သည်။ အဆိုပါလုပ်ငန်းအဖွဲ့(၂) ဆွေးနွေးပွဲသို့ သက်ဆိုင်ရာဌာနများမှ အဖွဲ့ဝင်(၄၅)ဦး၊ ဗဟို စာရင်းအင်းအဖွဲ့မှ (၂၈)ဦး၊ စုစုပေါင်း (၇၃)ဦး တက်ရောက်ခဲ့ပါသည်။(သတင်းစဉ်)

နေပြည်တော်၊  ဩဂုတ်လ (၁၇) ရက်