ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးတည်ထောင်ဖွင့်လှစ်ခြင်း (၁၀) နှစ်ပြည့် နှစ်ပတ်လည်နေ့အထိမ်းအမှတ် စုပေါင်းသွေးလှူဒါန်းခြင်းနှင့် အာဟာရဒါနလှူဒါန်းခြင်းကျင်းပ

     ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး တည်ထောင်ဖွင့်လှစ်ခြင်း (၁၀) နှစ်ပြည့် နှစ်ပတ်လည်နေ့အထိမ်းအမှတ်အဖြစ် အန္တရာယ်ကင်းပရိတ်တရားနာခြင်း၊ သံဃာတော်များအား သင်္ကန်း၊ ဝတ္ထုငွေနှင့် နေ့ဆွမ်းဆက်ကပ်လှူဒါန်းခြင်းကို ၂၄-၂-၂၀၂၅ ရက်နေ့ နံနက် ၉:၄၅ အချိန်တွင် ကော်မရှင်ရုံးအစည်းအဝေးခန်းမ၌ ကျင်းပပြုလုပ်ခဲ့ပါသည်။

    ထို့နောက် ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးမှ ဝန်ထမ်းများ၏ စုပေါင်းသွေးလှူပွဲကို ရွှေတိဂုံဘုရားလမ်းနှင့် ဗိုလ်ချုပ်အောင်ဆန်းလမ်းထောင့်ရှိ အမျိုးသားသွေးလှူဘဏ်တွင်ပြုလုပ်ခဲ့ကာ သွေးလှူဒါန်းခဲ့ကြသော အရာထမ်း၊ အမှုထမ်း (၈) ဦးတို့ကို ကော်မရှင်ရုံး ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် တာဝန်ရှိသူများက အာဟာရပစ္စည်းများ ပေးအပ်ခဲ့ပါသည်။

     ဆက်လက်၍ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး တည်ထောင်ဖွင့်လှစ်ခြင်း (၁၀) နှစ်ပြည့် နှစ်ပတ်လည်နေ့အထိမ်းအမှတ်အဖြစ် ရန်ကုန်ပြည်သူ့ဆေးရုံကြီးတွင် တက်ရောက်ဆေးကုသမှုခံယူလျက်ရှိသည့် လူနာ (၄၀၀) ဦးအတွက်  နေ့လယ်စာ (ထမင်း+ဟင်း) အာဟာရဒါနကို  လှူဒါန်းခဲ့ပါသည်။