ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးဝန်ထမ်းများအတွက် အင်္ဂလိပ်စာကျွမ်းကျင်မှုအခြေခံသင်တန်းအမှတ်စဉ် (၁/၂၀၂၄) သင်တန်းဖွင့်ပွဲအခမ်းအနားကျင်းပ

ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးမှ အရာထမ်းအမှုထမ်းများအတွက် အင်္ဂလိပ်စာကျွမ်းကျင်မှုအခြေခံသင်တန်းအမှတ်စဉ် (၁/၂၀၂၄) သင်တန်းဖွင့်ပွဲအခမ်းအနားကို ၂၀၂၄ ခုနှစ်၊ ဩဂုတ်လ ၂၂ ရက်နေ့ နံနက် ၁၀ နာရီ တွင် ကော်မရှင်ရုံးအစည်းအဝေးခန်းမ၌ ကျင်းပခဲ့ပါသည်။

အခမ်းအနားသို့ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး ညွှန်ကြားရေးမှူးချုပ် ဦးကြည်ဇင်ထွန်း၊ ဒုတိယညွှန်ကြားရေးမှူးချုပ်နှင့် ညွှန်ကြားရေးမှူးများ၊ သင်တန်းသားသင်တန်းသူများတက်ရောက်ခဲ့ကြပါသည်။ 

ဦးစွာ ကော်မရှင်ရုံးညွှန်ကြားရေးမှူးချုပ်က နိုင်ငံတော်ဖွံ့ဖြိုးတိုးတက်ရေးကို အဓိကတာဝန်ယူဆောင်ရွက်နေကြသည့် နိုင်ငံ့ဝန်ထမ်းများအနေဖြင့် တစ်ဦးချင်းစွမ်းဆောင်ရည်မြင့်မားလာစေရန်အတွက် ယခုကဲ့သို့သင်တန်းဖွင့်လှစ်ရခြင်းဖြစ်ကြောင်း၊ အင်္ဂလိပ်စာဘာသာရပ်သည် ကမ္ဘာသုံးဘာသာစကားဖြစ်သည့်အတွက် ဝန်ထမ်းများအနေဖြင့် ကျွမ်းကျင်တတ်မြောက်ရန်လိုကြောင်း၊ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်သည် အရင်းအနှီးဈေးကွက်ဖွံ့ဖြိုးတိုးတက်ရေးအတွက် နိုင်ငံတကာအဖွဲ့အစည်းများ၊ ဒေသတွင်းအဖွဲ့အစည်းများနှင့် ဆက်စပ်လုပ်ကိုင်နေရသည့်အတွက် သင်တန်းသား၊သင်တန်းသူများအနေဖြင့် မိမိတို့၏စွမ်းဆောင်ရည်များတိုးတက်လာစေရန် စဉ်ဆက်မပြတ်ကြိုစား လေ့လာသင်ယူသွားကြရန်လိုကြောင််ပြောကြားခဲ့ပါသည်။ 

အဆိုပါသင်တန်းကို ၂၂-၈-၂၀၂၄ ရက်နေ့မှစ၍ ရက်သတ္တပတ် ၂ ပတ်ကြာ ပို့ချသွားမည်ဖြစ်ပြီး အရာထမ်း၊အမှုထမ်း ၃၀ ဦး တက်ရောက်ကြမည်ဖြစ်ကြောင်း သိရှိရပါသည်။