_0.png)
(၄၀)ကြိမ်မြောက် အာဆီယံအရင်းအနှီးဈေးကွက်ဖိုရမ် ဥက္ကဋ္ဌများအစည်းအဝေး (40th ASEAN Capital Market Forum-ACMF Chairs Meeting) ကို လာအိုနိုင်ငံ၊ လမ်ပရာဘွမ်မြို့တွင် ၂၀၂၄ ခုနှစ်၊ မတ်လ ၁၅ ရက်မှ ၁၆ ရက်နေ့အထိ ကျင်းပခဲ့ရာ ACMF အလှည့်ကျဥက္ကဋ္ဌ လာအိုနိုင်ငံ၊ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်၏ ဖိတ်ကြားချက်အရ မြန်မာနိုင်ငံငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင် (Securities and Exchange Commission of Myanmar SECM) မှ ကိုယ်စားလှယ်အဖွဲ့တက်ရောက်ခဲ့ပါသည်။ အစည်းအဝေးသို့ အာဆီယံအရင်းအနှီးဈေးကွက်ဖိုရမ်အဖွဲ့ဝင်များဖြစ်သည့် အာဆီယံ (၁၀) နိုင်ငံရှိ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်များမှ ဥက္ကဋ္ဌများ ၊ အတွင်းရေးမှူးများ၊ အာဆီယံအတွင်းရေးမှူးချုပ်ရုံး၊ အာရှဖွံ့ဖြိုးရေးဘဏ်နှင့် Sustainable Finance Institute Asia-SFIA တို့မှ ကိုယ်စားလှယ်များ စုစုပေါင်း ၁၀၁ ဦး တက်ရောက်ကြောင်းသိရှိရသည်။
