အာဆီယံအရင်းအနှီးဈေးကွက်ဖိုရမ် ဒုတိယအကြီးအကဲများအစည်းအဝေး (ASEAN Capital Market Forum Deputies Meeting) ကျင်းပ

အာဆီယံအရင်းအနှီးဈေးကွက်ဖိုရမ် ဒုတိယအကြီးအကဲများအစည်းအဝေး (ASEAN Capital Market Forum Deputies Meeting) ကို ၂၀၂၄ ခုနှစ်၊ ဖေဖော်ဝါရီလ ၅ ရက်နေ့ နံနက်ပိုင်းတွင် လာအိုနိုင်ငံ၊ ဗီယင်ကျင်းမြို့တွင် Hybrid စနစ်ဖြင့်ကျင်းပရာ မြန်မာနိုင်ငံ ငွေချေးသက်သေခံလက်မှတ်လုပ်ငန်း ကြီးကြပ်ရေးကော်မရှင်မှ ကိုယ်စားလှယ်အဖွဲ့ Virtual စနစ်ဖြင့် ပါဝင်တက်ရောက်ခဲ့သည်။

အစည်းအဝေးတွင် စဉ်ဆက်မပြတ်ဖွင့်ဟထုတ်ဖော်ကြေညာခြင်းနှင့်စပ်လျဉ်း၍ အာဆီယံအရင်းအနှီးဈေးကွက်ဖိုရမ်နှင့် IFRS တို့ ပူးပေါင်းဆောင်ရွက်ရေးနှင့် ဖွင့်ဟထုတ်ဖော်မှုစံနှုန်းများ အကောင်အထည်ဖော်ဆောင်ရွက်နိုင်ရေးလုပ်ငန်းစဉ် ၂၀၂၄ ခုနှစ် ရေရှည်တည်တံ့ခိုင်မာစေသော ထုတ်ဖော်မှုစံနှုန်းများ ဖော်ဆောင်ရေးလုပ်ငန်းအစီအစဉ်၊ လုပ်ငန်းအဖွဲ့အစည်းအဝေးတွင် အာဆီယံအိပ်ချိန်း၏ ကိုယ်စားလှယ်ပါဝင်ရေးလုပ်ငန်းအဖွဲ့ ဖွဲ့စည်းပုံအားသုံးသပ်ခြင်း၊ လုပ်ငန်းအဖွဲ့ B ၏ လုပ်ငန်းအစီအစဉ်များတင်ပြခြင်း၊ ASEAN Transition Finance Guidance အား Stakeholder Consultation ပြုလုပ်ခြင်း၊ Version 2 ရေးဆွဲသည့် အစီအစဉ်များနှင့် နည်းပညာအကူအညီများဆွေးနွေးခြင်းနှင့် ကော်ပိုရိတ်စီမံအုပ်ချုပ်မှုနှင့်စပ်လျဉ်း၍ ဆောင်ရွက်နေမှုများ၊ Digital Asset Oversight Networking ဆိုင်ရာ ကိစ္စရပ်များအားဆွေးနွေးခဲ့ပါသည်။

အဆိုပါအစည်းအဝေးသို့ မြန်မာနိုင်ငံ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးမှ ကိုယ်စားလှယ်အဖွဲ့အပါအဝင် အာဆီယံငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်များမှ ဒုတိယအကြီးအကဲများ၊ လုပ်ငန်းအဖွဲ့များမှဥက္ကဋ္ဌများနှင့် အဖွဲ့ဝင်များ၊ အာရှဖွံ့ဖြိုးရေးဘဏ်မှ ကိုယ်စားလှယ်များ၊ Sustainable Institute of ASIA နှင့် အာဆီယံအတွင်းရေးမှူးချုပ်ရုံးမှ ကိုယ်စားလှယ်များစုစုပေါင်း (၁၀၀) ဦး တက်ရောက်ခဲ့ပါသည်။