_0.png)
ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး၏ လစဉ်ဝန်ထမ်းဆန္ဒဖော်ထုတ်ပွဲ (ဒါဘာ) အခမ်းအနားကို ၂၀၂၃ ခုနှစ်၊ ဒီဇင်ဘာလ ၂၀ ရက်နေ့ ရက်နေ့ နံနက် ၁၀:၃၀ အချိန်တွင် ကော်မရှင်ရုံးအစည်းအဝေးခန်းမ၌ ကျင်းပပြုလုပ်ခဲ့ပါသည်။
အခမ်းအနားတွင် ကော်မရှင်ရုံးညွှန်ကြားရေးမှူးချုပ် ဦးကြည်ဇင်ထွန်းက ၂၀၂၃ ခုနှစ်အတွင်း ကော်မရှင်ရုံး၏ လုပ်ငန်းဆောင်ရွက်ချက်များနှင့် အားနည်းချက်၊အားသာချက်များကို ခြုံငုံသုံးသပ်ပြီး ဝန်ထမ်းများအနေဖြင့် ဆက်လက်လုပ်ဆောင်သင့်သည်များကို လုပ်ဆောင်သွားကြရန်လိုကြောင်း၊ ယခုရက်ပိုင်းတွင် အာဆီယံနိုင်ငံများဖြစ်သည့် စင်ကာပူနိုင်ငံနှင့် ထိုင်းနိုင်ငံတို့အပြင် အိမ်နီးချင်းနိုင်ငံဖြစ်သည့် တရုတ်ပြည်သူ့သမ္မတနိုင်ငံတို့တွင် ကိုဗစ်-၁၉ ကူးစက်မှုနှုန်းများပြန်လည်မြင့်တက်လာသည်ကို တွေ့ရှိရကြောင်း၊ သို့ဖြစ်ပါ၍ ဝန်ထမ်းများအနေဖြင့် မိမိတို့၏ကျန်းမာရေးအပြင် မိသားစုဝင်များ၏ကျန်းမာရေးကိုပါ ဂရုစိုက်ကြရန်လိုကြောင်း မှာကြားခဲ့ပါသည်။
ဆက်လက်၍ ဒုတိယညွှန်ကြားရေးမှူးချုပ်နှင့် ဌာနအသီးသီးမှညွှန်ကြားရေးမှူးများက လိုအပ်သည်များကိုဆွေးနွေးခဲ့ကြပြီး ဝန်ထမ်းများကတင်ပြလိုသည်များကိုတင်ပြခဲ့ကာ အခမ်းအနားကိုနံနက် ၁၁:၃၀ တွင် ရုပ်သိမ်းခဲ့ပါသည်။