_0.png)
ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး၏ လစဉ်ဝန်ထမ်းဆန္ဒထုတ်ဖော်ပွဲ (ဒါဘာ) အခမ်းအနားကို ၂၀၂၃ ခုနှစ်၊ နိုဝင်ဘာလ ၂၀ ရက်နေ့ ၁:၃၀ အချိန်တွင် ကော်မရှင်ရုံးအစည်းအဝေးခန်းမ၌ ကျင်းပခဲ့ပါသည်။
အခမ်းအနားတွင် ကော်မရှင်ရုံးညွှန်ကြားရေးမှူးချုပ် ဦးကြည်ဇင်ထွန်းက ရာသီကူးပြောင်းချိန်ဖြစ်၍ ဝန်ထမ်းများအားလုံးကျန်းမာရေးကို ဂရုစိုက်ကြရန်လိုကြောင်း၊ လတ်တလောဖြစ်ပွားနေသည့်မျက်မြှေးရောင်ရောဂါ၊ မျက်စိနာရောဂါများနှင့်ပတ်သက်၍ သတိထားကြရန်လိုကြောင်း၊ ဝန်ထမ်းများဝတ်စားဆင်ယင်မှုများနှင့်ပတ်သက်ပြီး သန့်ရှင်းသပ်ရပ်စွာဝတ်ဆင်ကြရန်နှင့် ဝန်ထမ်းအချင်းချင်း စည်းစည်းလုံးလုံးညီညီညွတ်ညွတ်နှင့် ဝန်ထမ်းစည်းကမ်း၊ ဝန်ထမ်းကျင့်ဝတ်များနှင့်အညီနေထိုင်သွားကြရန် ပြောကြားကာအခမ်းအနားကို မွန်းလွဲ ၂:၃၀ တွင် ရုပ်သိမ်းခဲ့ပါသည်။
