(၃၈) ကြိမ်မြောက် အာဆီယံအရင်းအနှီးဈေးကွက်ဖိုရမ် ဥက္ကဋ္ဌများအစည်းအဝေးကျင်းပ

(၃၈) ကြိမ်မြောက် အာဆီယံအရင်းအနှီးဈေးကွက်ဖိုရမ် ဥက္ကဋ္ဌများအစည်းအဝေး (38^th ASEAN Capital Market Forum-ACMF Chairs Meeting) ကို အင်ဒိုနီးရှားနိုင်ငံ၊ ရော့ယာကာတာမြို့ရှိ Tentrem ဟိုတယ်၌ မတ်လ ၂၀ ရက် နေ့တွင် ကျင်းပခဲ့ပါသည်။

အဆိုပါ (၃၈) ကြိမ်မြောက် အာဆီယံအရင်းအနှီးဈေးကွက်ဖိုရမ် ဥက္ကဋ္ဌများအစည်းအဝေးသို့မြန်မာနိုင်ငံငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင် အတွင်းရေးမှူး၊ ကော်မရှင်ရုံး ညွှန်ကြားရေးမှူးချုပ် ဦးကြည်ဇင်ထွန်းဦးဆောင်သည့် မြန်မာကိုယ်စားလှယ်
အဖွဲ့တက်ရောက်၍မြန်မာနိုင်ငံ၏ အရင်းအနှီးဈေးကွက်ဆောင်ရွက်မှုအခြေအနေများကို သက်ဆိုင်ရာအစီအစဉ်အလိုက်ပါဝင်ဆွေးနွေးအမြင်ချင်းဖလှယ်ခဲ့ကြသည်။

အစည်းအဝေးတွင် အင်ဒိုနီးရှားနိုင်ငံ ဘဏ္ဍာရေးအေဂျင်စီမှ Chief Executive Officer of Capital Market Supervisor Mr.Inarno Djajadi က သဘာပတိအဖြစ်ဆောင်ရွက်၍ လာအိုနိုင်ငံငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်
အထွေထွေအတွင်းရေးမှူး Mrs. Sengsourivong Fongchinda က ပူးတွဲဘဘာပတိအဖြစ်ဆောင်ရွက်ပြီး အာဆီယံအဖွဲ့ဝင်နိုင်ငံများရှိငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်များမှ အကြီးအကဲများ၊ အာဆီယံအတွင်းရေးမှူးချုပ်ရုံး၊
အာရှဖွံ့ဖြိုးရေးဘဏ်နှင့် မိတ်ဖက်အဖွဲ့အစည်းများမှ ကိုယ်စားလှယ်များတက်ရောက်ကြသည်။

အဆိုပါအစည်းအဝေးတွင် အာဆီယံအရင်းအနှီးဈေးကွက်ဖိုရမ်၏ ဝက်ဘ်ဆိုဒ်ပြုပြင်ထိန်းသိမ်းမှုနှင့် ဆန်းသစ်တီထွင်မှုဆိုင်ရာ ဘက်စုံနားလည်မှုစာချွန်လွှာ (Multilateral Memorandum of Understanding
on the maintenance and Fresh Development of the ASEAN Capital Market Forum Website) အား မြန်မာနိုင်ငံငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်နှင့် ထိုင်းနိုင်ငံငွေချေးသက်သေခံ
လက်မှတ်လုပ်ငန်းကြီးကြပ်ရေးကော်မရှင်တို့မှ ပါဝင်လက်မှတ်ရေးထိုးခဲ့ပါသည်။ အဆိုပါ စာချွန်လွှာကို ၂၇-၁၀-၂၀၂၂ နေ့တွင် ကမ္ဘောဒီးယားနိုင်ငံတွင် ကျင်းပခဲ့သော (၃၇) ကြိမ်မြောက် အာဆီယံအရင်းအနှီးဈေးကွက်ဖိုရမ်
အစည်းအဝေးတွင်ကမ္ဘောဒီးယားနိုင်ငံ၊ အင်ဒိုနီးရှားနိုင်ငံ၊ လာအိုနိုင်ငံ၊ ဖိလစ်ပိုင်နိုင်ငံ၊ မလေးရှားနိုင်ငံတို့မှ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်တို့မှ လက်မှတ်ရေးထိုးပြီးဖြစ်ပါသည်။

အာဆီယံအရင်းအနှီးဈေးကွက်ဖိုရမ်သည် ဒေသတွင်းအရင်းအနှီးဈေးကွက်များဖွံ့ဖြိုးတိုးတက်လာစေရေး၊ အာဆီယံနိုင်ငံများမှ အရင်းအနှီးဈေးကွက်စည်းမျဉ်းစည်းကမ်းထိန်းကျောင်းသူများ (Regulators) ၏ အဆင့်မြင့်အစည်းအဝေးတစ်ခုဖြစ်သည်။