၁။      အကောက်ခွန်ဦးစီးဌာန၏ လေဆိပ် ၊ လေဆိပ်ကုန်လှောင်ရုံ ၊ ဆိပ်ကမ်းနှင့် အကောက်ခွန် နယ်မြေ ဒေသအသီးသီးတို့တွင် တင်သွင်း/တင်ပို့ခွင့် စာရွက်စာတမ်း အထောက်အထား တစ်စုံတစ်ရာ တင်ပြ နိုင်ခြင်းမရှိဘဲတင်သွင်း/တင်ပို့​သော ကုန်ပစ္စည်းများအား စစ်ဆေးရှာဖွေတားဆီး အရေးယူ မှုများ ပြုလုပ်ဆောင်ရွက်လျှက်ရှိရာ ဇွန်လ (၂၃) ရက်နေ့မှ ဇူလိုင်လ (၆) ရက်နေ့အထိ စုစုပေါင်း တားဆီး/ဖမ်းဆီးမှုမှာ (၁၁၁) မှုဖြစ်ပြီး ခန့်မှန်းတန်ဖိုးမှာကျပ် (၁၀၄၉.၂၈၀) သန်းခန့်ဖြစ်ပါသည်။

(က) ဆိပ်ကမ်း

                               ဆိပ်ကမ်းတားဆီးမှု အနေဖြင့် (၈) မှုရှိ၍ ခန့်မှန်းတန်ဖိုးမှာကျပ် (၁၆၀.၈၃၉) သန်းခန့်ရှိသည့်အနက် HPT ဆိပ်ကမ်း၌ Daw Than Than Sint (12/ Da Ga Na (N) 026245)  ဖြင့်တင်သွင်းလာသော Brand  : DODGE (Charger) (LHD) Saloon , Mdl-2015, C/O (Canada) (1) U  အားစစ်ဆေးခဲ့ရာ Brand New Import Licence ဖြင့်တင်သွင်းလာသော်လည်း မျက်မြင်စစ်ဆေးချက်အရ မော်တော် ယာဉ်မှာ Recond  ဖြစ်နေသဖြင့် စုစုပေါင်း ခန့်မှန်းတန်ဖိုးကျပ် (၃၉.၇) သန်းခန့်အား တွေ့ရှိ၍တားဆီးခဲ့ပါသည်။

                                         (ခ) နယ်မြေ

                               နယ်မြေတားဆီးမှု အနေဖြင့် (၁၀၃) မှုရှိ၍ ခန့်မှန်းတန်ဖိုးမှာကျပ် (၈၈၈.၄၄၁) သန်းခန့်ရှိသည့်အနက် ၁-၇-၂၀၁၇ ရက်နေ့တွင် လားရှိုးနှင့် သိန္ဒီကြားရှောင်ကွင်း လမ်း၌  သတင်းအရ ရေပူအမြဲတမ်းစစ်ဆေးရေးစခန်း ပူးပေါင်းစစ်ဆေးရေးအဖွဲ့ မှ လိုက်လံရှင်းလင်းရှာဖွေခဲ့ရာ “ LIFAN ” အမျိုးအစား (၆) ဘီးယာဉ်ပေါ်တွင် တရားဝင် စာရွက်စာတမ်း အထောက်အထား တစ်စုံတစ်ရာ တင်ပြနိုင်ခြင်းမရှိ သည့်  ကျောက်စိမ်းဟုယူဆရသော ကျောက်တုံးအရွယ်စုံ (၂၈) တုံး (4300) kg နှင့် သယ်ဆောင်သည့် ယာဉ် (၁) စီး ၊ စုစုပေါင်းခန့်မှန်းတန်ဖိုးကျပ် (၂၂၂)သန်း ခန့်အား တွေ့ရှိ၍တားဆီးခဲ့ပါသည်။

(ဂ)        မိုဘိုင်းဖုန်း ၊ ကွန်ပျူတာ ဆက်စပ်ပစ္စည်းများနှင့် သစ်တောထွက်ပစ္စည်းများ (၂၃-၆-၂၀၁၇) မှ (၆-၇-၂၀၁၇) အတွင်း တားဆီး/ဖမ်းဆီး အရေးယူမှု အခြေအနေ

၂။           အကောက်ခွန်ဦးစီးဌာန၏ (၁-၄-၂၀၁၇) ရက်နေ့မှ (၆-၇-၂၀၁၇) ရက်နေ့အထိ မိုဘိုင်းဖုန်း၊ ကွန်ပျူတာဆက်စပ်ပစ္စည်းများနှင့် သစ်တောထွက်ပစ္စည်းများ တားဆီး/ဖမ်းဆီးမှု များအနေဖြင့် ရန်ကုန် လေဆိပ် ၊ ဆိပ်ကမ်းနှင့် နယ်မြေဒေသများမှ စုစုပေါင်း တားဆီး/ဖမ်းဆီးမှု (၇၇) မှု ၊ ခန့်မှန်း တန်ဖိုးကျပ် (၁၁၈၈.၆၄၂၉) သန်းခန့် အရေးယူဆောင်ရွက်နိုင်ခဲ့ပါသည်။

DODGE (Charger) (LHD) Saloon တားဆီးမႈမွတ္တမ္းဓါတ္ပံု

ကျောက်စိမ်းဟုယူဆရသော ကျောက်တုံးအရွယ်စုံ နှင့် ပစ္စည်းသယ်ဆောင်သည့်ယာဉ် တားဆီးမှုမှတ်တမ်းဓါတ်ပုံ