မြန်မာ့အာမခံလုပ်ငန်း၊  မြိတ်ခရိုင်ရုံးမှ အာမခံအကြောင်းသိကောင်းစရာ ရှင်းလင်းဟောပြောပွဲကို (၇-၁၁-၂၀၁၇)ရက်နေ့ မွန်းလွဲ(၁:၃၀)နာရီအချိန်တွင် မြိတ်မြို့၊ စည်ပင်သာယာရေးအဖွဲ့ ရုံးခန်းမတွင် ကျင်းပပြုလုပ်ခဲ့ပြီး ပြည်သူလူထု(၅၀)ဦးခန့် တက်ရောက်ခဲ့ပါသည်။

အဆိုပါဟောပြောပွဲတွင် မြန်မာ့အာမခံလုပ်ငန်း၊ မြိတ်ခရိုင်တာဝန်ခံ ဦးနိုင်မျိုးကျော်မှ နိုင်ငံတော်ပိုင်မြန်မာ့အာမခံလုပ်ငန်းမှ လက်ရှိဆောင်ရွက်ပေးလျက်ရှိသော အာမခံလုပ်ငန်း (၅)မျိုးဖြစ်သည့် အသက်အာမခံလုပ်ငန်း၊ မီးအာမခံလုပ်ငန်း၊ ရေကြောင်းအာမခံလုပ်ငန်း၊ ခရီးသွားအာမခံလုပ်ငန်း၊ သူတစ်ပါးထိခိုက်မှုအာမခံလုပ်ငန်းများအပြင် တောင်သူလယ်သမား အသက်အာမခံနှင့် မြွေအန္တရာယ်အသက်အာမခံလုပ်ငန်းများအကြောင်းကို အကျယ်တဝင့် ရှင်းလင်းဟောပြောဆွေးနွေးခဲ့ပြီး အာမခံထားခြင်းဖြင့် ရရှိမည့် အကျိုးကျေးဇူးများကိုပါ ဟောပြောခဲ့ရာ တက်ရောက်လာသူများမှ သိလိုသည်များကို မေးမြန်းခဲ့ရာ ခရိုင်တာဝန်ခံမှ ရှင်းလင်းဖြေကြားခဲ့ပါသည်။