_0.png)
စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာ့အာမခံလုပ်ငန်း၊ ပြည်နယ်/တိုင်းဒေသကြီးများနှင့် ခရိုင်ရုံးများ၏ ၂၀၁၈-၂၀၁၉ ဘဏ္ဍာရေးနှစ် အောက်တိုဘာလ မှ မတ်လအထိ ပထမ(၆)လ အတွက် လုပ်ငန်းဆောင်ရွက်ခဲ့မှုများနှင့် ၂၀၁၈-၂၀၁၉ ဘဏ္ဍာရေးနှစ် ဒုတိယ(၆)လအတွက် ရှေ့ဆက်လက်ဆောင်ရွက်မည့် လုပ်ငန်းညှိနှိုင်းအစည်းအဝေးကို မြန်မာ့အာမခံလုပ်ငန်း ရုံးချုပ်တွင် (၁၆-၅-၂၀၁၉) နှင့်် (၁၇-၅-၂၀၁၉) ရက်နေ့ နံနက် (၉:၀၀) နာရီတွင် ကျင်းပရာ မြန်မာ့အာမခံလုပ်ငန်းမှ ဦးဆောင်ညွှန်ကြားရေးမှူး ဒေါက်တာစန္ဒာဦးနှင့် ဌာနအကြီးအကဲများ၊ ပြည်နယ်/တိုင်းဒေသကြီးနှင့် ခရိုင်တာဝန်ခံများ၊ ရုံးချုပ်မှ အရာထမ်းများ တက်ရောက်ခဲ့ ပါသည်။
ယင်းအခမ်းအနားတွင် မြန်မာ့အာမခံလုပ်ငန်း၊ ဦးဆောင်ညွှန်ကြားရေးမှူး ဒေါက်တာစန္ဒာဦးက အဖွင့်အမှာစကားပြောကြား၍ ပြည်နယ်/တိုင်းဒေသကြီးနှင့် ခရိုင်ရုံးတာဝန်ခံများက သက်ဆိုင် ရာဌာနအလိုက် လုပ်ငန်းများဖြစ်သော အသက်အာမခံ၊ မီးအာမခံ၊ သူတစ်ပါးထိခိုက်မှုနှင့်် အလုံးစုံမော်တော်ယာဉ်အာမခံ၊ ရေ/လေခရီးသွားအာမခံတို့၏ လုပ်ငန်းအသီးသီး ဆောင်ရွက် ထားရှိမှုများနှင့် ၂၀၁၈-၂၀၁၉ ဘဏ္ဍာရေးနှစ် ဒုတိယ(၆)လအတွက် ရှေ့ဆက်လက် ဆောင်ရွက်မည့် လုပ်ငန်းများကို တင်ပြကြပါသည်။ ဌာနအကြီးအကဲများက ပြန်လည်ဆွေးနွေး ညှိနှိုင်းကြပြီး ဒုတိယ(၆)လအတွက် ဝင်ငွေလျာထားချက်များ ပြည့်မီရေး ဆောင်ရွက်မည့် လုပ်ငန်းစဉ်များကို လမ်းညွှန်မှာကြားခဲ့ကြပါသည်။