![](http://www.mopf.gov.mm/sites/default/files/sites/default/files/img20190312_11003332.jpg)
မြန်မာ့အာမခံလုပ်ငန်း၊ ပဲခူးတိုင်းဒေသကြီးရုံး၏ အာမခံလုပ်ငန်းအကြောင်း သိကောင်းစရာ ဟောပြောပွဲကို (၂၃-၂-၂၀၁၉) ရက်နေ့ နံနက် (၉:၃၀) နာရီတွင် ပဲခူးတိုင်းဒေသကြီး ရွှေကျင်မြို့၊ မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင်ကျင်းပရာ ပဲခူးတိုင်း ဒေသကြီး ရွှေကျင်မြို့နယ် အထွေထွေအုပ်ချုပ်ရေးဦးစီးဌာန နှင့် ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ အမှုထမ်း၊ အရာထမ်းများ၊ မြို့မိမြို့ဖများနှင့် စိတ်ပါဝင်စားသူ (၁၅၀)ဦးခန့်တက်ရောက်ကြပါသည်။
အဆိုပါဟောပြောပွဲတွင် ပဲခူးတိုင်းဒေသကြီးတာဝန်ခံမှ ပဲခူးတိုင်းဒေသကြီးရုံးမှ လက်ခံ ဆောင်ရွက်ပေးလျက်ရှိသော အာမခံလုပ်ငန်းများအကြောင်း ရှင်းလင်းဆွေးနွေးပြောကြားခဲ့ပြီး အဆိုပါလုပ်ငန်းများထဲမှ တောင်သူလယ်သမားအသက်အာမခံလုပ်ငန်း၊ မြွေအန္တရာယ်အသက် အာမခံလုပ်ငန်း၊ ကျန်းမာရေးအသက်အာမခံလုပ်ငန်း၊ မော်တော်ယာဉ်အလုံးစုံအာမခံလုပ်ငန်း၊ သူတစ်ပါးထိခိုက်မှုအာမခံလုပ်ငန်း၊ မီးနှင့်အထွေထွေအာမခံလုပ်ငန်း၊ ခရီးသွားအာမခံ လုပ်ငန်းများအကြောင်း အဓိကထားရှင်းလင်းခဲ့ပြီး ရရှိနိုင်မည့်အကျိုးခံစားခွင့်များနှင့် ပတ်သက်၍လည်း ရှင်းလင်းပြောကြားခဲ့ ပါသည်။