စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာ့အာမခံလုပ်ငန်းနှင့် ဂျပန်နိုင်ငံ အထွေထွေ အာမခံအစည်းအရုံး(GIAJ)တို့ ပူးပေါင်း၍ အာမခံအသင်း အခန်းကဏ္ဍဆိုင်ရာ ဆွေးနွေးပွဲ Seminar on the Role of Insurance Association ကျင်းပပြုလုပ်သည့် အခမ်းအနားကို ရန်ကုန်မြို့၊ မြန်မာ့အာမခံလုပ်ငန်း(ရုံးချုပ်)၊ ဆဌမထပ်၊ အစည်းအဝေးခန်းမ၌ ၂၀၁၇ ခုနှစ်၊ ဇွန်လ ၁၅ ရက်တွင် ကျင်းပပြုလုပ်ခဲ့ရာ မြန်မာနိုင်ငံဆိုင်ရာ ဂျပန်သံရုံးမှ တာဝန်ရှိသူများ၊ မြန်မာ့အာမခံလုပ်ငန်း၊ ပုဂ္ဂလိကအာမခံကုမ္ပဏီ ၁၁ ခု နှင့် ရန်ကုန်သီလဝါ စက်မှုဇုန်(SEZ)ရှိ ဂျပန်အာမခံကုမ္ပဏီများ၏ CEO နှင့် Senior Management (၅၀)ဦးခန့် တက်ရောက်ခဲ့ကြ ပါသည်။

အဆိုပါဆွေးနွေးပွဲတွင် မြန်မာ့အာမခံလုပ်ငန်း၊ ဦးဆောင်ညွှန်ကြားရေးမှူး ဒေါက်တာ စန္ဒာဦးမှ အဖွင့်အမှာစကားပြောကြားပြီး GIAJ မှ အထွေထွေမန်နေဂျာ Mr. Mamoru Otsubo မှ ဆွေးနွေးပွဲပြုလုပ်ရခြင်း ရည်ရွယ်ချက်နှင့် ကျေးဇူးတင်စကား ပြန်လည်ပြောကြား ကာ အာမခံအသင်း အခန်းကဏ္ဍဆိုင်ရာဆွေးနွေးပွဲ စတင်ကျင်းပခဲ့ကြောင်းနှင့် အာမခံအစည်း အရုံး၏ လုပ်ဆောင်ချက်များနှင့် ဖွဲ့စည်းပုံများကို အကျယ်တဝင့် ဆွေးနွေးခဲ့ပြီး ၁၆-၆-၂၀၁၇ ရက်နေ့ထိ ဆက်လက်ကျင်းပခဲ့ပါသည်။