_0.png)
မြန်မာ့အာမခံလုပ်ငန်း၊ ကျောက်ဆည်ခရိုင်ရုံး၏ အာမခံလုပ်ငန်းအသိပညာပြန့်ပွားရေး ဟောပြောပွဲအခမ်းအနားကို (၂၀-၁-၂၀၁၉) ရက်နေ့ ည (၇:၀၀) နာရီတွင် ကျောက်ဆည်ခရိုင်၊ မြစ်သားမြို့နယ်၊ ဒါးရဲကောင်းကျေးရွာ၌ ကျင်းပပြုလုပ်ခဲ့ရာ ဟောပြောပွဲသို့ ကျေးရွာအုပ်ချုပ် ရေးမှူးနှင့် ရပ်မိရပ်ဖများ၊ ကျေးရွာသူရွာသားများ၊ စုစုပေါင်း (၁၀၀) ဦးခန့် တက်ရောက်ခဲ့ ပါသည်။
အဆိုပါဟောပြောပွဲ၌ ခရိုင်တာဝန်ခံက ပြည်သူလူထုအနေဖြင့် မဖြစ်မနေ ထားရှိသင့်သည့် အာမခံများဖြစ်သော အသက်အာမခံများ (တောင်သူလယ်သမားအသက်အာမခံ၊ မြွေအန္တရာယ် အာမခံ၊ နှစ်တိုငွေပင်ငွေရင်းအသက်အာမခံ)၊ မီးနှင့် သဘာဝဘေးအန္တရာယ်အာမခံများ၊ စက်တပ်ယာဉ်ပိုင်ရှင်များ ဥပဒေအရ မထားမနေရ ထားရှိရမည့် သူတစ်ပါးထိခိုက်မှုအာမခံများ ၏ အရေးကြီးပုံ၊ ယင်းအာမခံများ ထားရှိခြင်းဖြင့် ရရှိနိုင်သည့်အကျိုးကျေးဇူးများအကြောင်း ရှင်းလင်းဟောပြောခဲ့ပါသည်။ ထို့အပြင် စက်တပ်ယာဉ်ဖြင့် ထိခိုက်မှုဖြစ်ပွားပါက သူတစ်ပါး ထိခိုက်မှုအာမခံ နည်းဥပဒေအရ သက်ဆိုင်သူများက မြန်မာ့အာမခံလုပ်ငန်း၌ နစ်နာကြေး တောင်းခံနိုင်သည့် ကိစ္စရပ်များနှင့်စပ်လျဉ်း၍လည်း အကျယ်တဝင့်ဟောပြောခဲ့ပါသည်။
