_0.png)
မြန်မာ့အာမခံလုပ်ငန်း၊ တနင်္သာရီတိုင်းဒေသကြီးရုံးမှ အာမခံလုပ်ငန်းပြန့်ပွားတိုးတက်ရန် ဟောပြောပွဲအား (၈.၁.၂၀၁၉) ရက်နေ့ နံနက် (၁၁:၀၀) နာရီတွင် ထား၀ယ်မြို့၊ တိုင်းဒေသကြီး ပြည်သူ့ကျန်းမာရေးဦးစီးဌာန၌ ကျင်းပပြုလုပ်ခဲ့ရာ တိုင်းဒေသကြီးပြည်သူ့ကျန်းမာရေး ဦးစီး ဌာနမှူး နှင့် အရာထမ်း/အမှုထမ်း စုစုပေါင်း(၈၀) ဦးခန့် တက်ရောက်ကြပါသည်။
ထို့အပြင် (၂၇.၁၂.၂၀၁၈) ရက်နေ့ နေ့လည် (၃:၀၀) နာရီတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် တိုင်းဒေသကြီးအစိုးရအဖွဲ့ရုံးရှိ အရာထမ်း/အမှုထမ်းများအား လက်ရှိ ဆောင်ရွက်နေသော အာမခံလုပ်ငန်းများအကြောင်း ရှင်းလင်းဆွေးနွေးခဲ့ရာ စုစုပေါင်း (၁၅၀) ဦးခန့် တက်ရောက်ခဲ့ပါသည်။
ထို့အတူ (၂၀.၁၂.၂၀၁၈) ရက်နေ့ နံနက် (၁၀:၀၀) နာရီတွင် ကလိန်အောင်မြို့နယ်၊ တနင်္သာရီ သစ်တောကြိုးဝိုင်းစီမံကိန်းအစည်းအဝေးခန်းမ၌ အာမခံအကြောင်းသိကောင်းစရာဟောပြောပွဲအား ကျင်းပပြုလုပ်ရာ သစ်တောကြိုးဝိုင်းစီမံကိန်းမှ အရာထမ်း/အမှုထမ်း (၅၀) ဦးခန့် တက်ရောက် ခဲ့ကြပါသည်။
အဆိုပါဟောပြောပွဲများတွင် တိုင်းဒေသကြီးတာဝန်ခံ ဒေါ်မျိုးသဉ္ဇာလင်းမှ အာမခံလုပ်ငန်းမှ ဆောင်ရွက်လျက်ရှိသည့် အာမခံအမျိုးအစားများကို ရှင်းလင်းပြောကြားခဲ့ပြီး အထူးကိစ္စရပ် အနေဖြင့် နိုင်ငံ၀န်ထမ်းအသက်အာမခံ(ကာလတို)၊ သူတစ်ပါးထိခိုက်မှုအာမခံ၊ နှစ်တိုငွေပင်ငွေရင်း အာမခံ၊ မီးနှင့်အထွေထွေအာမခံ၊ ခရီးသွားအာမခံအကြောင်း အကျယ်တ၀င့်ရှင်းလင်းပြောကြား ခဲ့ပါသည်။
