_0.png)
မြန်မာ့အာမခံလုပ်ငန်း၊ စစ်ကိုင်းခရိုင်ရုံး၏ အာမခံအကြောင်းသိကောင်းစရာဟောပြောပွဲကို (၁၆-၁၁-၂၀၁၈) ရက်နေ့ နံနက် (၁၀:၀၀) နာရီအချိန်တွင် စစ်ကိုင်းခရိုင်အတွင်းရှိ (စစ်ကိုင်း၊ မြင်းမူ၊ မြောင်) မြို့နယ်အတွင်းရှိ စိုက်ပျိုးရေးရုံးမှ အရာထမ်း/ဝန်ထမ်းများအား စစ်ကိုင်းခရိုင် စိုက်ပျိုးရေးရုံး အစည်းအဝေးခန်းမ၌ လက်ရှိဆောင်ရွက်နေသော အာမခံလုပ်ငန်းများ အကြောင်း ရှင်းလင်းပြောကြားပြီး နိုင်ငံ့ဝန်ထမ်း (ကာလတို) အကြောင်း အကျယ်တဝင့် ရှင်းလင်းပြောကြားခဲ့ရာ စုစုပေါင်း (၇၀) ဦး တက်ရောက်ခဲ့ပါသည်။
ထို့အပြင် (၂၄-၁၁-၂၀၁၈) ရက်နေ့ နေ့လည် (၁:၀၀) နာရီအချိန်တွင် အမှတ် (၃) ရဲလေ့ကျင့် ရေးသင်တန်းကျောင်း (စစ်ကိုင်းမြို့) လက်အောက်ခံ ရွှေစာရံရဲလေ့ကျင့်ရေးသင်တင်းကျောင်း၊ မန္တလေးမြို့သို့သွားရောက်၍ သင်တန်းခန်းမ၌ အာမခံအကြောင်း သိကောင်းစရာများ ရှင်းလင်း ပြောကြားခဲ့ပြီး နိုင်ငံ့ဝန်ထမ်း (ကာလတို) နှင့် ပြည်သူ့ဝန်ထမ်း (ကာလရှည်) အသက်အာမခံ အကြောင်းကို အကျယ်တဝင့် ရှင်းလင်းပြောကြားခဲ့ရာ သင်တန်းမှူး အရာရှိများ၊ သင်တန်း ဆရာများနှင့် ရဲတပ်သားများ၊ စုစုပေါင်း (၁၈၀) ဦးတက်ရောက်ခဲ့ပါသည်။
ထို့အတူ (၁၄-၁၂-၂၀၁၈) ရက်နေ့ နံနက် (၁၀:၀၀) နာရီအချိန်တွင် မြင်းမူမြို့နယ် အထွေထွေ အုပ်ချုပ်ရေးဦးစီးဌာန အစည်းအဝေးခန်းမ၌ အာမခံအကြောင်းသိကောင်းစရာဟောပြောပွဲ ကျင်းပပြုလုပ်ခဲ့ရာ မြင်းမူမြို့နယ် စီမံခန့်ခွဲရေးကော်မတီဝင်များ၊ အထွေထွေအုပ်ချုပ်ရေးဦးစီး ဌာနမှ အရာထမ်း/ဝန်ထမ်းများ၊ ဌာနဆိုင်ရာအကြီးအကြများ၊ ရပ်ကွက်အုပ်ချုပ်ရေးမှူးများ စုစုပေါင်း (၁၅၀) ဦးခန့်တက်ရောက်ခဲ့ကြပြီး ခရိုင်တာဝန်ခံ ဒေါ်နီလာလွင်မှ မြန်မာ့အာမခံ လုပ်ငန်းတွင် ဆောင်ရွက်ပေးလျက်ရှိသည့် အာမခံလုပ်ငန်းအမျိုးအစားများကို ရှင်းလင်း ပြောကြားခဲ့ပြီး လက်ရှိဆောင်ရွက်ပေးလျက်ရှိသော နိုင်ငံ့ဝန်ထမ်းအသက်အာမခံ (ကာလတို)၊ နှစ်တိုငွေပင်ငွေရင်းအာမခံ၊ သူတစ်ပါးထိခိုက်မှုအာမခံ၊ မီးနှင့် အမျိုးမျိုးအာမခံ၊ ရေ/လေ ခရီးသွားအာမခံအကြောင်းများကို အကျယ်တဝင့် ရှင်းလင်းပြောကြားခဲ့ပါသည်။
