_0.png)
မြန်မာ့အာမခံလုပ်ငန်း၊ မြင်းခြံခရိုင်ရုံးမှ အာမခံအသိပညာပြန့်ပွားရေးဟောပြောပွဲကို (၁၆-၁၁- ၂၀၁၈) ရက်နေ့ နံနက် (၉:၀၀) နာရီအချိန်တွင် မန္တလေးတိုင်း၊ မြင်းခြံခရိုင်၊ ဆားခါးကျေးရွာရှိ သံမဏိစက်ရုံ၌ ကျင်းပပြုလုပ်ရာ တက်ရောက်အင်အား (၁၅၀) ဦးခန့် တက်ရောက်ခဲ့ပါသည်။
၎င်းအပြင် (၁၉-၁၁-၂၀၁၈) ရက်နေ့ နံနက် (၉:၃၀) နာရီအချိန်တွင် မြင်းခြံမြို့၊ မီးသတ်တပ်ဖွဲ့ စခန်း၌ ကျင်းပရာ တက်ရောက်အင်အား (၁၀၀) ဦးခန့် တက်ရောက်ခဲ့ပါသည်။
အဆိုပါဟောပြောပွဲတွင် ခရိုင်တာဝန်ခံ ဒေါ်စောယုကြည်မှ နိုင်ငံတော်ပိုင် မြန်မာ့အာမခံလုပ်ငန်း မှ ဆောင်ရွက်လျက်ရှိသော အသက်အာမခံလုပ်ငန်း၊ သူတစ်ပါးထိခိုက်မှုအာမခံလုပ်ငန်း၊ မီးနှင့် အထွေထွေအာမခံလုပ်ငန်း၊ ခရီးသွားအာမခံလုပ်ငန်းနှင့် အသစ်လက်ခံဆောင်ရွက်နေသော နိုင်ငံ့ဝန်ထမ်းအသက်အာမခံ (ကာလတို) အား ထားရှိနိုင်ရေးအကြောင်းများကို အသေးစိတ် ရှင်းလင်းဟောပြောပြီး မေးမြန်းမှုများအား ပြန်လည်ရှင်းလင်းပြောကြားခဲ့ပါသည်။
