စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာ့အာမခံလုပ်ငန်း၊ ပြည်နယ်/တိုင်းဒေသကြီးများနှင့် ခရိုင်ရုံးများ၏ ၂၀၁၈ ခုနှစ်၊ ဧပြီလမှ စက်တင်ဘာလထိ(၆) လအတွက် လုပ်ငန်းဆောင်ရွက်ခဲ့မှုများကိုဆုချီးမြှင့်ပွဲအခမ်းအနားနှင့် ၃-၁၁-၂၀၁၈ မှ ၄-၁၁-၂၀၁၈ ရက်နေ့ထိကျင်းပမည့် ၂၀၁၈-၂၀၁၉ ဘဏ္ဍာရေးနှစ် ရှေ့ဆက်လက်ဆောင်ရွက်မည့် လုပ်ငန်းညှိနှိုင်းအစည်းအဝေးဖွင့်ပွဲအခမ်းအနားကိုမြန်မာ့အာမခံလုပ်ငန်းရုံးချုပ်တွင် ၃-၁၁-၂၀၁၈ ရက်နေ့ နံနက် ၉:၀၀ နာရီတွင်ကျင်းပရာစီမံကိန်းနှင့်ဘဏ္ဍာရေးဝန်ကြီးဌာနဒုတိယဝန်ကြီးဦးမောင်မောင်ဝင်း၊ မြန်မာ့အာမခံလုပ်ငန်းဦးဆောင်ညွှန်ကြားရေးမှူးဒေါက်တာစန္ဒာဦးနှင့် ဌာနအကြီးအကဲများ၊ ပြည်နယ်/တိုင်းဒေသကြီးနှင့် ခရိုင်ရုံးခွဲတာဝန်ခံများ၊ ရုံးချုပ်မှအရာထမ်းများတက်ရောက်ခဲ့ပါသည်။

ယင်းအခမ်းအနားတွင် ဒုတိယဝန်ကြီးကအဖွင့်အမှာစကားပြောကြား၍ သက်ဆိုင်ရာပြည်နယ်/တိုင်းဒေသကြီးနှင့် ခရိုင်ရုံးခွဲတာဝန်ခံများကအသက်အာမခံ၊ မီးအာမခံ၊ သူတစ်ပါးထိခိုက်မှုအာမခံ၊ ရေ/လေခရီးသွားအာမခံလုပ်ငန်းအသီးသီးဆောင်ရွက်ထားရှိမှုများနှင့် ၂၀၁၈-၂၀၁၉ ဘဏ္ဍာရေးနှစ် ရှေ့ဆက်ဆောင်ရွက်မည့် လုပ်ငန်းများကိုဆွေးနွေးညှိနှိုင်းကြပြီးဆက်လက်၍ လုပ်ငန်းအလိုက် ဘက်စုံထူးချွန်ဆုနှင့် လုပ်အားယှဉ်ပြိုင်ထူးချိန်ဆုရရှိခဲ့ကြသောရုံးခွဲတာဝန်ခံများနှင့် လုပ်ငန်းရှာဖွေမှုတွင် တက်တက်ကြွကြွ ပူးပေါင်းဆောင်ရွက်ပေးကြသောအာမခံလုပ်ငန်းကိုယ်စားလှယ်ကြီးများကိုဒုတိယဝန်ကြီးနှင့် ဦးဆောင်ညွှန်ကြားရေးမှူးတို့ကဂုဏ်ပြုဆုများချီးမြှင့်ခဲ့ပါသည်။