“ဝန်ထမ်းနောင်ရေး ဗဟိုရန်ပုံငွေစနစ် အကောင်အထည်ဖော်ဆောင်ရေး လုပ်ငန်းအဖွဲ့” ၏ (၁/၂၀၂၃) ကြိမ်မြောက်အစည်းအဝေးကို ၁၇-၁၁-၂၀၂၃ ရက်နေ့တွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ ပင်စင်ဦးစီးဌာန အစည်းအဝေးခန်းမတွင် ကျင်းပပြုလုပ်ခဲ့ ရာ ဝန်ထမ်းနောင်ရေးဗဟိုရန်ပုံငွေစနစ် အကောင်အထည်ဖော်ဆောင်ရေးလုပ်ငန်းအဖွဲ့ ဥက္ကဋ္ဌ၊ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်နှင့် လုပ်ငန်းအဖွဲ့ဝင်များဖြစ်ကြသည့် ပင်စင်ဦးစီးဌာနမှ ညွှန်ကြားရေးမှူးများနှင့် ဒုတိယညွှန်ကြားရေးမှူးများ စုံညီစွာ တက်ရောက်ကြသည်။

အစည်းအဝေးတွင် ပင်စင်ဦးစီးဌာန၊ ညွှန်ကြားရေးမှူးချုပ်က အဖွင့်အမှာစကား ပြောကြား ရာ၌ ဝန်ထမ်းနောင်ရေးဗဟိုရန်ပုံငွေဥပဒေကြမ်းနှင့်စပ်လျဉ်း၍ အကောင်အထည်ဖော်ဆောင် ရာတွင် တွေ့ကြုံရနိုင်မည့် အခက်အခဲများနှင့် လိုအပ်သည်များကို မိမိတို့ဌာနတွင်း ပွင့်ပွင့် လင်းလင်း ဆွေးနွေးရန် လိုအပ်ပါကြောင်းနှင့် ဝန်ထမ်းနောင်ရေး ဗဟိုရန်ပုံငွေစနစ် ဆက်လက် အကောင်အထည်ဖော်မည့် လုပ်ငန်းစဉ်များနှင့် အဆိုပါလုပ်ငန်းစဉ်များအတွက် ဌာနတွင်း တာဝန်ခွဲဝေထားရှိမှုများအားလည်း ဆက်လက်ဆွေးနွေးညှိနှိုင်းကြရန် ဖြစ်ပါကြောင်း ပြောကြားခဲ့ပါသည်။

ဆက်လက်၍ ဝန်ထမ်းနောင်ရေးဗဟိုရန်ပုံငွေစနစ် အကောင်အထည်ဖော်ဆောင်ရေး လုပ်ငန်းအဖွဲ့ အတွင်းရေးမှူး၊ ပင်စင်စနစ်ပြုပြင်ပြောင်းလဲရေးဌာနခွဲ၊ ညွှန်ကြားရေးမှူး ဦးမိုးကြည်က ဝန်ထမ်းနောင်ရေးဗဟိုရန်ပုံငွေစနစ် အကောင်အထည်ဖော်ဆောင်ရေးနှင့် စပ်လျဉ်း၍ ဆက်လက်ဆောင်ရွက် မည့်လုပ်ငန်းစဉ်များအား အသေးစိတ်ရှင်းလင်းတင်ပြရာ အစည်းအဝေးသို့ တက်ရောက်လာကြသည့် ‌လုပ်ငန်းအဖွဲ့ဝင်များမှ လိုအပ်သည်များ အကြံပြု ဆွေးနွေးတင်ပြခဲ့ကြသည်။ အကြံပြုဆွေးနွေးချက်များအပေါ် လုပ်ငန်းအဖွဲ့ဥက္ကဋ္ဌက သုံးသပ် ဆွေးနွေး၍ နိဂုံးချုပ်အမှာစကားပြောကြားပြီး အစည်းအဝေးကို အောင်မြင်စွာ ကျင်းပပြီးစီးခဲ့ပါသည်။