စီမံကိန်းနှင့်ဘဏ္ဍာရေးဝန်ကြီးဌာန၊ ပင်စင်ဦးစီးဌာန၏ ၂/၂၀၂၃ ကြိမ်မြောက် ဝန်ထမ်းများ ဆန္ဒဖော်ထုတ်ပွဲအခမ်းအနားအား ရုံးအမှတ် (၃၄) အစည်းအဝေးခန်းမ၌ ၅-၄-၂၀၂၃ ရက်နေ့၊ (၁၄:၀၀) အချိန်၌ ကျင်းပခဲ့ပါသည်။ အခမ်းအနားသို့ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်း၊ သက်ဆိုင်ရာဌာနခွဲ တာဝန်ခံညွှန်ကြားရေးမှူးများ၊ ပင်စင်ဦးစီးဌာန (ရုံးချုပ်) နှင့် ပြည်ထောင်စုနယ်မြေဦးစီးမှူးရုံးတို့မှ အရာထမ်း၊ အမှုထမ်းများ တက်ရောက်ခဲ့ကြပါသည်။ အခမ်းအနားတွင် ညွှန်ကြားရေးမှူးချုပ်က အဖွင့်အမှာစကားပြောကြားပြီး ပြည်ထောင်စုဝန်ကြီး၊ ဒုတိယဝန်ကြီးတို့၏ လမ်းညွှန်မှာကြားချက်များကို ဝန်ထမ်းများအား ထပ်ဆင့် လမ်းညွှန်မှာကြားခဲ့ပါသည်။ ထို့နောက် ဝန်ထမ်းများ သက်သာချောင်ချိရေးအတွက် စားသုံးဆီ ထောက်ပံ့မှုများ ပြုလုပ်ခဲ့ပြီး အခမ်းအနားအား ရုပ်သိမ်းခဲ့ပါသည်။