ပင်စင်ဥပဒေသုံးသပ်ပြင်ဆင်ရေးအထောက်အကူပြုအဖွဲ့ကို ၁၉-၁-၂၀၂၃ ရက်စွဲပါ ရုံးအမိန့် အမှတ် (၂) ၊ အမှတ် ၁၂/၂၀၂၃ ဖြင့် ဖွဲ့စည်းတာဝန်ပေးအပ်ခဲ့သဖြင့် အဆိုပါအဖွဲ့၏ ၁/၂၀၂၃ ကြိမ်မြောက်အစည်းအဝေးကို ၁၉-၁-၂၀၂၃ ရက်နေ့ ၊ နေ့လယ် (၁၅း၀၀) နာရီတွင် ပင်စင်ဦးစီးဌာန ၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဥပဒေသုံးသပ်ပြင်ဆင်ရေး အထောက်အကူပြုအဖွဲ့ဥက္ကဋ္ဌ ၊ ညွှန်ကြားရေးမှူးချုပ် ဦးရဲညွန့် ၊ ဒုတိယဥက္ကဋ္ဌ ၊ ဒုတိယ ညွှန်ကြားရေးမှူးချုပ် ဦးမင်းဇော်ဝင်း နှင့် ပင်စင်ဥပဒေသုံးသပ်ပြင်ဆင်ရေး အထောက်အကူပြု အဖွဲ့ဝင်များ တက်ရောက်ကြပါသည်။ အစည်းအဝေးတွင် ဥက္ကဋ္ဌ ၊ ညွှန်ကြားရေးမှူးချုပ် ဦးရဲညွန့်က အဖွင့်အမှာစကားပြောကြားပြီး ၊ ပင်စင်ဥပဒေသုံးသပ်ပြင်ဆင်ရေး အထောက်အကူပြုအဖွဲ့ အတွင်းရေးမှူး ၊ ညွှန်ကြားရေးမှူး ဉီးမိုးကြည်က စီမံကိန်းနှင့်ဘဏ္ဍာရေး ဝန်ကြီးဌာန၏ ၁၇-၁-၂၀၂၃ ရက်စွဲပါအမိန့်ကြော်ငြာစာအမှတ် ၈/၂၀၂၃ ဖြင့်ဖွဲ့စည်းခဲ့သော ပင်စင်ဥပဒေသုံးသပ်ပြင်ဆင်ရေး အဖွဲ့၏လုပ်ငန်းတာဝန်များ ၊ ပင်စင်ဦးစီးဌာန၏ ၁၉-၁-၂၀၂၃ ရက်စွဲပါ ရုံးအမိန့်အပိုင်း (၂) ၊ အမှတ် ၊ ၁၂/၂၀၂၃ ဖြင့် ဖွဲ့စည်းခဲ့သော ပင်စင်ဥပဒေသုံးသပ်ပြင်ဆင်ရေးအထောက်အကူပြုအဖွဲ့၏ လုပ်ငန်းတာဝန်များ ၊ လက်ရှိကျင့်သုံးနေသောဥပဒေများနှင့် နည်းဥပဒေများ ဆုံးဖြတ်ချက်ခံယူရမည့် အချက်တို့အား ရှင်းလင်းတင်ပြခဲ့ပါသည်။ အဆိုပါတင်ပြချက်များ နှင့်စပ်လျဉ်း၍ အစည်းအဝေးသို့ တက်ရောက်လာသည့်အထောက်အကူပြုအဖွဲ့ ဒုတိယဥက္ကဋ္ဌနှင့်အဖွဲ့ဝင်များက ပြင်ဆင်သင့်သည့် ဥပဒေ ၊ နည်းဥပဒေများနှင့်ပတ်သက်၍ ဝိုင်းဝန်းအကြံပြုဆွေးနွေးခဲ့ပြီး အကြံပြုဆွေးနွေးချက်များ အပေါ် ဥက္ကဋ္ဌက သုံးသပ်ဆွေးနွေး၍ နိဂုံးချုပ်အမှာစကားပြောကြားပြီးနောက် ညနေ (၁၆း၀၀) နာရီ တွင် အစည်းအဝေးရုပ်သိမ်းခဲ့ပါသည်။