_0.png)
နေပြည်တော် မေ ၁၇
ပြည်တွင်းအခွန်များဦးစီးဌာနအနေဖြင့် ၂၀၁၈-၂၀၁၉ ဘဏ္ဍာနှစ် ဧပြီလကုန်အထိ အခွန်အရပ်ရပ်ကောက်ခံရရှိမှု စုစုပေါင်းမှာ ကျပ် ၃၆၀၁.၇၂၁ ဘီလီယံ ဖြစ်သဖြင့် လျာထားချက်၏ ၅၈.၀၉%ကို အကောင်အထည်ဖော်နိုင်ခဲ့ပြီးဖြစ်ပါသည်။ အဆိုပါ ကောက်ခံရရှိမှုတွင် နိုင်ငံပိုင်ကဏ္ဍမှ ကျပ် ၇၀၅.၇၂၅ ဘီလီယံ၊ သမဝါယမကဏ္ဍမှ ကျပ် ၁.၂၆၄ ဘီလီယံနှင့် ပုဂ္ဂလိကကဏ္ဍမှ ကျပ် ၂၈၉၄.၇၃၂ ဘီလီယံ ပါဝင်ကြောင်း သိရှိရပါသည်။
၂၀၁၈-၂၀၁၉ ဘဏ္ဍာနှစ် ဧပြီလကုန်အထိ အခွန်တစ်မျိုးခြင်း ကောက်ခံရရှိမှုအခြေအနေမှာ ဝင်ငွေခွန် ကျပ် ၁၅၃၉.၃၈၄ ဘီလီယံ၊ ကုန်သွယ်လုပ်ငန်းခွန် ကျပ် ၁၁၆၈.၁၇၅ ဘီလီယံ၊ အထူးကုန်စည်ခွန် ကျပ် ၇၇၉.၈၆၆ ဘီလီယံ၊ တံဆိပ်ခေါင်းခွန် ကျပ် ၃၄.၅၅၇ ဘီလီယံနှင့် အောင်ဘာလေသိန်းဆုခွန် ကျပ် ၇၉.၇၃၉ ဘီလီယံတို့ဖြစ်ကြောင်း သိရှိရပါသည်။