နေပြည်တော် မေ ၁၀

   နေပြည်တော်၊ ရုံးအမှတ် ၄၆၊ ပြည်တွင်းအခွန်များဦးစီးဌာန၊ အစည်းအဝေးခန်းမတွင် ၂၀၁၉ ခုနှစ်၊ မေလ ၁၀ ရက်နေ့ နံနက် ၁၁:၀၀ နာရီ၌ ပြည်တွင်းအခွန်များဦးစီးဌာနတွင် အသုံးပြုရန်လိုအပ်သည့် ကုန်စည်နှင့်ဝန်ဆောင်မှုအမျိုးအစားအလိုက် ကပ်နှိပ်အသုံးပြုရမည့် အခွန်အမှတ်တံဆိပ်များ ပြည်ပမှမှာကြားနိုင်ရေး တင်ဒါစီစစ်ရွေးချယ်ခြင်းလုပ်ငန်းအားဆောင်ရွက်နိုင်ရန်အတွက် တင်ဒါကော်မတီ၏ညှိနှိုင်းအစည်းအဝေးကို ကျင်းပခဲ့ရာ တင်ဒါကော်မတီဥက္ကဋ္ဌ စီမံကိန်းနှင့်ဘဏ္ဍာရေး ဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းမှ အဖွင့်အမှာစကား ပြောကြားခဲ့ပါသည်။

   အဆိုပါညှိနှိုင်းအစည်းအဝေးသို့ တင်ဒါကော်မတီ ဒုတိယဥက္ကဋ္ဌ ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်၊ တင်ဒါကော်မတီအဖွဲ့ဝင်များဖြစ်ကြသော မြန်မာ့စီးပွားရေးဘဏ် ဦးဆောင်ညွှန်ကြားရေးမှူး ဦးယဉ်ဇော်မျိုး၊ ရသုံးမှန်းခြေငွေစာရင်းဦးစီးဌာန ညွှန်ကြားရေးမှူးချုပ် ဒေါ်သီတာထွန်း၊ အခွန်အယူခံခုံအဖွဲ့ရုံး ညွှန်ကြားရေးမှုးချုပ် ဦးမြင့်ဦး၊ ပြည်တွင်းအခွန်များဦးစီးဌာနမှ ဒုတိယညွှန်ကြားရေးမှူးချုပ်(စီမံ) ဦးကျော်ကျော်၊ တင်ဒါကော်မတီအတွင်းရေးမှူး စီမံရေးရာဌာနခွဲမှ ညွှန်ကြားရေးမှူး ဦးစိုးနိုင်နှင့် ပြည်တွင်းအခွန်များဦးစီးဌာနမှ တာဝန်ရှိသူများ တက်ရောက်ခဲ့ ကြပါသည်။