နေပြည်တော်၊ နိုဝင်ဘာလ ၉ ရက်

     ပြည်တွင်းအခွန်များဦးစီးဌာန ဝန်ထမ်းများအား ငွေကြေးခဝါချမှုဆိုင်ရာ ဆုံးရှုံးနိုင်ခြေများနှင့်စပ်လျဉ်းသည့် အခွန်ရှောင်တိမ်းမှုများကို ရှင်းလင်းဆွေးနွေး အသိပညာပေးခြင်းအစီအစဉ်အဖြစ် ၉-၁၁-၂၀၂၂ (ဗုဒ္ဓဟူးနေ့)၊ မွန်းလွဲ ၁၃:၀၀ နာရီတွင် နေပြည်တော်ရှိ ပြည်တွင်းအခွန်များဦးစီးဌာန၊ရုံးအမှတ်(၄၆)၊ အစည်းအဝေးခန်းမ၌ ပထမပိုင်းအဖြစ်လည်းကောင်း၊ ယင်းနေ့ မွန်းလွဲ ၁၅:၀၀ နာရီတွင် ပြည်တွင်းအခွန်များဦးစီးဌာန၊ သင်တန်း ခန်းမ၌ ဒုတိယပိုင်းအဖြစ်လည်းကောင်း အသီးသီး ကျင်းပပြုလုပ်ခဲ့ကြသည်။

     အဆိုပါရှင်းလင်းဆွေးနွေးပွဲများတွင် ပြည်တွင်းအခွန်များဦးစီးဌာန ဒုတိယညွှန်ကြားရေးမှူးချုပ် ဒေါ်ခင်ယမုန်အောင်နှင့် ညွှန်ကြားရေးမှူး ဦးမျိုးမင်းလတ်တို့က ငွေကြေးခဝါချမှုဆိုင်ရာ ဆုံးရှုံးနိုင်ခြေများနှင့်စပ်လျဉ်းသည့် အခွန်ရှောင်တိမ်းမှုများအား ကဏ္ဍအလိုက် ရှင်းလင်းဆွေးနွေးခဲ့ပြီး တက်ရောက်လာသူများ၏ မေးမြန်းချက်များကို ပြန်လည်ရှင်းလင်းဖြေကြားခဲ့ပါသည်။

    အဆိုပါရှင်းလင်းဆွေးနွေးပွဲသို့ ပြည်တွင်းအခွန်များဦးစီးဌာနမှ ဒုတိယညွှန်ကြားရေးမှူးချုပ်များ၊ နေပြည်တော်ရှိ ဌာနခွဲညွှန်ကြားရေးမှူးများနှင့်အရာထမ်းများ ၊ မြို့နယ်အခွန်ဦးစီးဌာနမှူးလုပ်ငန်းကျွမ်းကျင်မှု သင်တန်းအမှတ်စဉ်(၇၇)မှ သင်တန်းသား/သူများ ပါဝင်တက်ရောက် ခဲ့ကြပြီး၊ ရန်ကုန်အခြေစိုက်ဌာနခွဲ ညွှန်ကြာ ရေးမှူးများ၊ဌာနမှူးများ၊ ပြည်ထောင်စုနယ်မြေအပါအဝင် တိုင်းဒေသကြီး/ပြည်နယ်အခွန်ဦးစီးဌာနမှူးများ က Viedo Conferencing ဖြင့် ပါဝင်တက်ရောက်ခဲ့ကြသည်။