အကျိုးအမြတ်မယူသော အဖွဲ့အစည်းများသို့ အခွန်ထမ်းမှတ်ပုံတင်အမှတ်(TIN) ထုတ်ပေးခြင်းနှင့် အသိအမှတ်ပြုလက်မှတ်ထုတ်ပေးခြင်းနှင့်စပ်လျဉ်း၍ လုပ်ငန်းညှိနှိုင်းဆွေးနွေးပွဲ ကျင်းပခြင်း

Posted By : ird_editor, Date : 04.11.2022 0 comment
,

နေပြည်တော်၊ အောက်တိုဘာလ ၃၁ ရက်

    အကျိုးအမြတ်မယူသော အဖွဲ့အစည်းများသို့ အခွန်ထမ်းမှတ်ပုံတင်အမှတ်(TIN) ထုတ်ပေးခြင်းနှင့် အသိအမှတ်ပြုလက်မှတ်ထုတ်ပေးခြင်းတို့နှင့်စပ်လျဉ်း၍ လုပ်ငန်းညှိနှိုင်းဆွေးနွေးပွဲကို ၃၁-၁၀-၂၀၂၂ (တနင်္လာနေ့)၊ နေ့လယ် ၁၃:၀၀ နာရီတွင် ပြည်တွင်းအခွန်များဦးစီးဌာန အစည်းအဝေးခန်းမ၊ ရုံးအမှတ်(၄၆)၊ နေပြည်တော်၌ ကျင်းပပြုလုပ်ခဲ့ပါသည်။      

    လုပ်ငန်းညှိနှိုင်းဆွေးနွေးပွဲတွင် ပြည်တွင်းအခွန်များဦးစီးဌာန ညွှန်ကြားရေးမှူးချုပ်က အဖွင့်အမှာ စကားပြောကြားခဲ့ပြီး အခွန်ဆိုင်ရာကြီးကြပ်ရေးဌာနခွဲ ညွှန်ကြားရေးမှူးက အကျိုးအမြတ်မယူသော အဖွဲ့အစည်းများသို့ အခွန်ထမ်းမှတ်ပုံတင်အမှတ်(TIN) ထုတ်ပေးခြင်းနှင့် အသိအမှတ်ပြုလက်မှတ် ထုတ်ပေးခြင်းတို့နှင့် စပ်လျဉ်း၍ ရှင်းလင်းဆွေးနွေးခြင်း၊ တက်ရောက်လာသူများ၏ မေးမြန်းချက်များကို ပြန်လည်ဆွေးနွေး ဖြေကြားခြင်းတို့ကို ဆောင်ရွက်ခဲ့ပါသည်။

    အဆိုပါ လုပ်ငန်းညှိနှိုင်းဆွေးနွေးပွဲသို့ ပြည်တွင်းအခွန်များဦးစီးဌာနမှ ညွှန်ကြားရေးမှူးချုပ်၊ ဒုတိယ ညွှန်ကြားရေးမှူးချုပ်များ၊ ဌာနခွဲညွှန်ကြားရေးမှူးများနှင့် သက်ဆိုင်ရာဝန်ကြီးဌာန(၁၄)ခုမှ တာဝန်ရှိသူများ တက်ရောက်ခဲ့ကြကြောင်း သိရှိရပါသည်။