နိုင်ငံ့ဝန်ထမ်းတက္ကသိုလ်(အထက်မြန်မာပြည်)တွင် အရာထမ်းငယ်သင်တန်းအမှတ်စဉ် (၉၆) သို့ တက်ရောက်ခဲ့ခြင်းမှရရှိခဲ့သည့် ဗဟုသုတများအား မျှဝေခြင်း

နေပြည်တော်၊ ဇန်နဝါရီ ၃၁

နိုင်ငံ့ဝန်ထမ်းတက္ကသိုလ် အရာထမ်းငယ်သင်တန်းအမှတ်စဉ်(၉၆)သို့ တက်ရောက်ခဲ့သည့် ငွေတိုက်ဦးစီးဌာနမှ ဒေါ်ထက်နန္ဒာရွှေ(စိစစ်ရေးမှူး-၂)နှင့် ဒေါ်ထက်ထက်ရွှေရည်လွင် (စိစစ်ရေးမှူး-၂) တို့မှ သင်တန်းတက်ရောက်ခဲ့သည် အတွေ့အကြုံဗဟုသုတများ မျှဝေခြင်းအစီအစဉ်ကို ၂၀၂၅ ခုနှစ် ဇန်နဝါရီလ (၃၁) ရက်နေ့၊ နေ့လယ် ၂:၀၀ နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ စုပေါင်းခန်းမ၌ ကျင်းပပြုလုပ်ခဲ့ပါသည်။ အဆိုပါအစီအစဉ်သို့ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် အရာထမ်း၊ အမှုထမ်း (၉၀) ဦး တက်ရောက်ခဲ့ကြပါသည်။

အဆိုပါအစီအစဉ်တွင် တက်ရောက်လာသူများမှ အတွေ့အကြုံများမျှဝေခြင်း၊ ဆွေးနွေးခြင်းများ ပြုလုပ်ခဲ့ကြပါသည်။ ဒုတိယညွှန်ကြားရေးမှူးချုပ်မှ အရာထမ်းငယ်သင်တန်း၌ သင်ယူခဲ့သည့် ဘာသာရပ်များအနက် ဝန်ထမ်းစည်းမျဉ်းများ၊ ဘဏ္ဍာရေးစည်းမျဉ်းများနှင့် ဉပဒေဆိုင်ရာ အကြောင်းအရာများ ပါဝင်ပါကြောင်း၊ သို့ဖြစ်ပါ၍ ဝန်ထမ်းများအနေဖြင့် အဆိုပါသင်တန်းမှ သင်ကြားပို့ချခဲ့သည့် စည်းကမ်းများအတိုင်း လိုက်နာကျင့်သုံးကြရန် လိုအပ်ကြောင်း တိုက်တွန်းပြောကြားခဲ့ပါသည်။