နေပြည်တော်၊ ဇူလိုင် ၅

အင်ဒိုနီးရှားနိုင်ငံ၊ ဘဏ္ဍာရေးဝန်ကြီးဌာနမှ ကြီးမှူး၍ ASEAN Treasury Forum (ATF) တည်ထောင် ခြင်းနှင့်စပ်လျဉ်း၍ ၂၀၂၄ ခုနှစ်၊ စက်တင်ဘာလတွင် ကျင်းပမည့် ATF Launching and First Meeting ပြုလုပ်ရန် ရေးဆွဲထားသည့် TOR Terms of Reference (ToR) အား ဆွေးနွေးရန် Intersessional Meeting on the Preparation of the Launching and First Meeting ASEAN Treasury Forum ကို ၅−၇−၂၀၂၄ ရက်တွင် အင်ဒိုနီးရှားနိုင်ငံ စံတော်ချိန် နံနက် ၉:၀၀ နာရီ မှ ၁၁:၃၀ နာရီအထိ (မြန်မာစံတော်ချိန် နံနက် ၈:၃၀ နာရီမှ ၁၁:၀၀ နာရီအထိ) ကျင်းပခဲ့ရာ ၎င်းအစည်းအဝေးသို့ ငွေတိုက်ဦးစီးဌာနမှ ညွှန်ကြားရေးမှူးချုပ် ဒေါ်စီစီပြုံးနှင့်အဖွဲ့က Virtual ဖြင့် တက်ရောက်ခဲ့ပါသည်။

အစည်းအဝေးတက်ရောက်ကြသည့် အာဆီယံအဖွဲ့ဝင်နိုင်ငံများမှ ကိုယ်စားလှယ်များက ၂၀၂၄ ခုနှစ်၊ စက်တင်ဘာလတွင် အင်ဒိုနီးရှားနိုင်ငံ၊ ဘာလီ၌ ATF Launching and First Meeting ကျင်းပမည့် အစီအစဉ်၊ ခေါင်းစဉ် (၄) ခုဖြစ်သည့် (က) အစိုးရအသုံးစရိတ်စီမံခန့်ခွဲမှု (Public Expenditure Management) (ခ) အစိုးရငွေကြေးစီမံခန့်ခွဲမှု (Government Cash Management) (ဂ) အစိုးရ စာရင်းပေါင်းချုပ်ပြုစုရေးနှင့်အစီရင်ခံရေး (Government Accounting & Reporting) (ဃ) ပြည်သူ့ ဘဏ္ဍာရေးစီမံခန့်ခွဲမှုကို ဒီဂျစ်တယ်စနစ်ဖြင့် ဆောင်ရွက်ခြင်း (Digitalization of Public Finance Management) ဖြင့် Technical Level Discussion ပြုလုပ်မည့်အစီအစဉ်နှင့် ရှေ့ဆက်ဆောင်ရွက်မည့် ကာလတို၊ ကာလလတ်နှင့် ကာလရှည်လုပ်ငန်းစဉ်တို့အား အင်ဒိုနီးရှားနိုင်ငံ၊ ဘဏ္ဍာရေးဝန်ကြီးဌာနမှ တာဝန်ရှိသူက တင်ပြခဲ့ပြီး တက်ရောက်လာသူများက ဝိုင်းဝန်းဆွေးနွေး အကြံပြုကြပါ သည်။

အစည်းအဝေးအား နံနက် ၁၁:၀၀ နာရီတွင် ရုပ်သိမ်းခဲ့ပါသည်။