နေပြည်တော်၊ ဖေဖော်ဝါရီ ၂၁

အင်ဒိုနီးရှားနိုင်ငံ၊ ဘဏ္ဍာရေးဝန်ကြီးဌာနမှ ကြီးမှူး၍ အဖွဲ့ဝင်နိုင်ငံများ၏ အကြံပြုချက်များနှင့်အညီ ပြင်ဆင်ပြီးဖြစ်သည့် ATF တည်ထောင်ရန်ရေးဆွဲထားသည့်  Terms of Reference (ToR) အား အပြီးသတ်ဆွေးနွေးနိုင်ရေးနှင့်စပ်လျဉ်းသည့် Preparatory Meeting ASEAN Treasury Forum (ATF) ကို ၂၁−၂−၂၀၂၄ ရက်တွင် လာအိုနိုင်ငံ စံတော်ချိန် နံနက် ၉:၀၀ နာရီမှ ၁၂:၀၀ နာရီ အထိ (မြန်မာစံတော်ချိန် နံနက် ၈:၃၀ နာရီမှ ၁၁:၃၀ နာရီအထိ) ကျင်းပခဲ့ရာ ၎င်းအစည်းအဝေးသို့ ငွေတိုက်ဦးစီးဌာနမှ ညွှန်ကြားရေးမှူးချုပ် ဒေါ်စီစီပြုံးနှင့် ညွှန်ကြားရေးမှူး ဒေါ်နီနီသန်းတို့က Virtual ဖြင့် တက်ရောက်ပြီး ဒုတိယညွှန်ကြားရေးမှူးချုပ် ဒေါ်ခင်စိုးဦးမှ လာအိုနိုင်ငံ၊ ဗီယင်ကျန်းမြို့ တွင် In Person ဖြင့် တက်ရောက်ခဲ့ပါသည်။

ASEAN Treasury Forum တည်ထောင်ရခြင်း၏ ရည်ရွယ်ချက်မှာ Treasury and Public Financial Management နယ်ပယ်များတွင် အာဆီယံအဖွဲ့ဝင်နိုင်ငံများအကြား အသိပညာဗဟုသုတများဖလှယ်၍ အခက်အခဲများကို အတူတကွပူးပေါင်းဖြေရှင်းနိုင်ရန်ဖြစ်ပါသည်။

အဆိုပါ အစည်းအဝေးတက်ရောက်ကြသည့် အဖွဲ့ဝင်နိုင်ငံများ၏ ကိုယ်စားလှယ်များက ToR အား အတည်ပြုနိုင်ရေးနှင့် ATF တွင် Chairmanship အဖြစ် တာဝန်ယူဆောင်ရွက်ရန်၊ ၂၀၂၄ ခုနှစ်၊ ဧပြီလတွင် High-Level Meeting & Treasury Seminar ကျင်းပရန်၊ ၂၀၂၄ ခုနှစ်၊ ဒုတိယနှစ်ဝက်တွင် ATF’s Launching & First Meeting ကျင်းပရန်တို့ကို ဆွေးနွေးခဲ့ကြပါသည်။

အစည်းအဝေးအား နံနက် ၁၁:၃၀ နာရီတွင် ရုပ်သိမ်းခဲ့ပါသည်။