မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်ရေး စီမံကိန်း (Myanmar Sustainable Development Plan-MSDP)တွင် မေခရိုစီးပွားရေး မဏ္ဍိုင်(၁)၊ ပန်းတိုင် (၂)၊ မဟာ ဗျူဟာ (၂.၁) မှ (၂.၅)ထိ Action Plan များကို အကောင်အထည်ဖော်ဆောင်ရွက်မည့် မေခရိုစီးပွားရေး စီမံခန့်ခွဲမှု ကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့ ( Macroeconomic Management Sector Coordination Group- MMSCG) ၏ လုပ်ငန်းတိုးတက်မှုအခြေအနေများနှင့်စပ်လျဉ်း၍ 4^th Macroeconomic Management Sector Coordination Group(MMSCG) Meeting အား ၂၀၁၉ ခုနှစ်၊ မေလ ၉ ရက်နေ့ တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄) တွင် ကျင်းပခဲ့ပါသည်။ အဆိုပါ အစည်းအဝေးကို မေခရိုစီးပွားရေးစီမံခန့်ခွဲမှု ကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့ ဒုတိယဉက္ကဌ၊ စီမံကိန်းနှင့် ဘဏ္ဍာရေး ဝန်ကြီးဌာန ဒုတိယဝန်ကြီးများဖြစ်သည့် ဦးမောင်မောင်ဝင်း နှင့် ဦးဆက်အောင်တို့မှ ဦးဆောင်၍ မေခရို စီးပွားရေး စီမံခန့်ခွဲမှုအခြေအနေနှင့်ဖွံ့ဖြိုးတိုးတက်မှု ဆောင်ရွက်ချက်များအပေါ် ရှင်းလင်းပြောကြား၍ မေခရိုစီးပွားရေးစီမံခန့်ခွဲမှု ကဏ္ဍဆိုင်ရာ ပေါင်းစပ်ညှိနှိုင်းရေး အဖွဲ့အောက်ရှိ လုပ်ငန်းအဖွဲ့ (၅) ဖွဲ့ ဖြစ် သည့် မြန်မာနိုင်ငံတော်ဗဟိုဘဏ်နှင့် စီမံကိန်းနှင့်ဘဏ္ဍာရေး ဝန်ကြီးဌာနတို့ ပေါင်းစပ်ညှိနှိုင်းရေး လုပ်ငန်းအဖွဲ့၊ နှစ်လတ်ဘဏ္ဍာရေးမူဘောင်လုပ်ငန်းအဖွဲ့၊ ရငွေကြိုတင်ခန့်မှန်းရေးနှင့် စီမံ ကြီးကြပ်ရေးအဖွဲ့၊ အသုံးစရိတ်ဆိုင်ရာ စီမံခန့်ခွဲရေးလုပ်ငန်းအဖွဲ့နှင့် ဘဏ္ဍာငွေ ဖြည့်ဆည်းရေးနှင့် ဆုံးရှုံး နိုင်ခြေ စီမံခန့်ခွဲရေးလုပ်ငန်းအဖွဲ့တို့၏ အဖွဲ့ခေါင်းဆောင်များမှ လေးလပတ်အတွင်း လုပ်ငန်းအဖွဲ့အလိုက် ဆောင်ရွက်ထားရှိမှု အခြေအနေများ၊ တိုးတက်မှုများ၊ ကြုံတွေ့ရသည့် စိန်ခေါ်မှုများ နှင့် ရှေ့ဆက် ဆောင်ရွက်မည့်ကိစ္စရပ်များကို ရှင်းလင်းတင်ပြခဲ့ပြီး ဖွံ့ဖြိုးမှုမိတ်ဖက် အဖွဲ့အစည်းများ ဖြစ်သည့် World Bank, IMF, EU, JICA, DFID, DFAT,UNICEF, ADB, Embassy of Japan, NORAD, INGO Forum Myanmar, Spectrum, Norwegian Embassy, DACU တို့ နှင့် အစည်းအဝေး တက်ရောက်လာသည့် ကိုယ်စားလှယ်များမှ ဆွေးနွေးမေးမြန်းခြင်းနှင့် အကြံပြုဆွေးနွေးခြင်းများ ပြု လုပ်ခဲ့ကြပါသည်။ထို့နောက် မေခရိုစီးပွားရေးစီမံခန့်ခွဲမှုကဏ္ဍဆိုင်ရာပေါင်းစပ်ညှိနှိုင်းရေးအဖွဲ့ ဒုတိယ ဉက္ကဌ၊ စီမံကိန်းနှင့် ဘဏ္ဍာရေး ဝန်ကြီးဌာန ဒုတိယဝန်ကြီးများဖြစ်သည့် ဦးမောင်မောင်ဝင်း နှင့် ဦးဆက်အောင် တို့မှ ဖြည့်စွက်ဆွေးနွေးခြင်းနှင့် ရှေ့လုပ်ငန်းစဉ်များအပေါ် လမ်းညွှန်မှုများ ပြုလုပ်ခဲ့ကြပါသည်။