စီမံကိန်းနှင့် ဘဏ္ဍာရေးဝန်ကြီးဌာနသည် ကမ္ဘာ့ဘဏ်နှင့် ပူးပေါင်း၍ ၂၀၀၈-၂၀၀၉ ခု၊ ဘဏ္ဍာရေးနှစ် မှ၂၀၁၀-၂၀၁၁ခု၊ ဘဏ္ဍာရေးနှစ်ထိ ပထမအကြိမ် အစိုးရအသုံးစရိတ်နှင့် ဘဏ္ဍာရေး တာဝန်ယူမှု ဆိုင်ရာ အကဲဖြတ်သုံးသပ်မှုအား ၂၀၁၂ခုနှစ်တွင် ဆောင်ရွက်ခဲ့ပြီး ပြည်သူ့ဘဏ္ဍာရေး စီမံခန့်ခွဲမှု ဆောင်ရွက်ချက် အစီရင်ခံစာအား ၂၀၁၃ ခုနှစ်၊ မေလတွင် ထုတ်ဝေခဲ့ပြီး ဖြစ်ပါသည်။ ယခုအခါ ၂၀၁၅-၂၀၁၆ ခု၊ ဘဏ္ဍာရေးနှစ်မှ ၂၀၁၇-၂၀၁၈ ခု၊ ဘဏ္ဍာရေးနှစ်ထိ ဒုတိယအကြိမ် အစိုးရ အသုံးစရိတ်နှင့် ဘဏ္ဍာရေး တာဝန်ယူမှုဆိုင်ရာ အကဲဖြတ် သုံးသပ်မှုအား ဆက်လက် ဆောင်ရွက် နိုင်ရန် ရည်ရွယ်၍ ကမ္ဘာ့ဘဏ်မှ PEFA Mission အဖွဲ့သည် PEFA Technical Committee နှင့်PEFA Working Group အဖွဲ့ဝင်များအား ၂၀၁၉ ခုနှစ်၊ မတ်လ ၇ ရက်နေ့နှင့် ၈ ရက်နေ့ တို့တွင် နေပြည်တော်၊ Hilton Hotel ၌ 2019 Public Expenditure and Financial Accountability (PEFA) Assessment Training သင်တန်းအား ကျင်းပပြုလုပ်ခဲ့ပါသည်။ အဆိုပါသင်တန်းကို PEFA Assessment Framework တွင် ပါရှိသည့် Performance Indicator များ၊Dimension များ Assessment ပြုလုပ်မည့် လုပ်ငန်းစဉ်များ ၊ Assessment Report နှင့် Score methodology စသည့် အကြောင်းအရာများနှင့် စပ်လျဉ်း၍ ပိုမိုသိရှိနားလည်စေရန်အတွက် ကျင်းပပြုလုပ်ခဲ့ခြင်း ဖြစ်ပါသည်။