စီမံကိန်းနှင့်ဘဏ္ဍာရေးဝန်ကြီးဌာန၊ ရသုံးမှန်းခြေငွေစာရင်းဦးစီးဌာနမှ တာဝန်ရှိပုဂ္ဂိုလ်များ နှင့် UNICEF မှ Mr.SammanJ.Trapa ဦးဆောင်သော ကိုယ်စားလှယ်အဖွဲ့တို့သည် ၂၀၁၉ ခုနှစ်၊ ဖေဖော်ဝါရီလ ၇ ရက်နေ့၊ နေ့လယ် (၂:၃၀) နာရီအချိန်တွင် ရသုံးမှန်းခြေငွေစာရင်းဦးစီးဌာန၊ ရုံးအမှတ်(၂၆) ၊ အစည်းအဝေးခန်းမ၌ လက်ခံတွေ့ဆုံခဲ့ပါသည်။ အဆိုပါ ဆွေးနွေးပွဲတွင် UNICEF မှ တာဝန်ရှိသူများသည် Multi-Year Work Plan  တွင်ပါရှိမည့် Public Finance for Children (PF4C ) အတွက် အဆင့်လိုက်စီစဉ်ဆောင်ရွက်မှုများ၊ အမှန်တကယ် လိုအပ်သည့် နေရာများတွင် အသုံးစရိတ်များ သုံးစွဲနိုင်ရေးနှင့် ကလေးငယ်များသာတူညီမျှ ရရှိစေရေးတို့ကို ရှင်းလင်းတင်ပြခဲ့ပြီး ရသုံးမှန်းခြေငွေစာရင်းဦးစီးဌာနမှ တာဝန်ရှိသူများသည် ထိရောက်မှုရှိသော လုပ်ငန်းစီမံကိန်းဖြစ်စေရေး၊ ပြည်သူ့ဘဏ္ဍာရေးစီမံခန့်ခွဲမှု အားကောင်းစေရေးအတွက် နည်းပညာရယူသော ဝန်ကြီးဌာနအဖွဲ့အစည်းများ ၌ အမှန်တကယ် နည်းပညာများရရှိစေရေး၊ ဝန်ကြီးဌာနအဖွဲ့အစည်းများနှင့် စီမံကိန်းနှင့် ဘဏ္ဍာရေးဝန်ကြီး ဌာနတို့  ပူးပေါင်းဆောင်ရွက်နိုင်သော  လက်တွေ့ကျပြီး ပွင့်လင်းမြင်သာမှုရှိသည့် လုပ်ငန်းစဉ်များ ဖြစ်ပေါ်ရေး တို့အတွက် အကြံပြုဆွေးနွေးခဲ့ပါသည်။