ရသုံးမှန်းခြေငွေစာရင်းဦးစီးဌာနမှ ဒုတိယညွှန်ကြားရေးမှူးချုပ် ဦးဆောင်သောတာဝန်ရှိပုဂ္ဂိုလ် များနှင့် အာရှဖွံ့ဖြိုးရေးဘဏ်မှ တာဝန်ရှိပုဂ္ဂိုလ်များသည် ၂၇-၁၁-၂၀၁၈ ရက်နေ့၊ နံနက် (၁၀:၀၀) နာရီအချိန်တွင် ရသုံးမှန်းခြေငွေစာရင်းဦးစီးဌာန၊ အစည်းအဝေးခန်းမ၌ လက်ခံတွေ့ဆုံခဲ့ကြပါသည်။  ရည်ရွယ်ချက်မှာ ADB သည် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ သက်ဆိုင်ရာဦးစီးဌာနများ နှင့် “Strengthening climate and disaster resilience in Myanmar” မြန်မာနိုင်ငံ၊ ပြည်သူလူထု၏ ရာသီဥတုပြောင်းလဲမှုနှင့် ဘေးအန္တရာယ်ဆိုင်ရာ ရင်ဆိုင်တုံ့ပြန်နိုင်စွမ်း မြင့်မားစေရေး အတွက် နည်းပညာပံ့ပိုးမှု စီမံကိန်းကို အကောင်အထည်ဖော်ဆောင်ရွက်ရန် ဖြစ်ပါသည်။ အဆိုပါ စီမံကိန်း ၏ ရလဒ်(၃) ဖြစ်သော မြန်မာနိုင်ငံရှိ အစိုးရနှင့်ပုဂ္ဂလိက အဖွဲ့အစည်းများအကြား ဘေးအန္တရာယ်ကြောင့် ထိခိုက်ဆုံးရှုံးနိုင်မှုကို စီမံဆောင်ရွက်နိုင်ရန် ဘဏ္ဍာငွေခွဲဝေ အသုံးချမှုဆိုင်ရာ အချက်အလက်များနှင့် စပ်လျဉ်း၍  ရသုံးမှန်းခြေငွေစာရင်းဦးစီးဌာနမှ တာဝန်ရှိသူများနှင့် တွေ့ဆုံ ဆွေးနွေးခဲ့ပါသည်။