စီမံကိန်းနှင့်ဘဏ္ဍာရေးဝန်ကြီးဌာနသည် မြန်မာနိုင်ငံ ပြည်သူ့ဘဏ္ဍာရေးစီမံခန့်ခွဲမှုခေတ်မီဖွံ့ဖြိုး တိုးတက်ရေး စီမံကိန်း အစီအစဉ်ဖြင့် PFM Academy သင်တန်းကျောင်းတည်ထောင်ရေးဆိုင်ရာ လုပ်ငန်း စဉ်များအားအကောင်အထည်ဖော်ဆောင်ရွက်လျက်ရှိပါသည်။ PFM Academyသင်တန်းကျောင်း အတွက် သင်တန်းကျောင်းအကောင်အထည်ဖော်ရေး၊ သင်တန်းကျောင်း ဆောက်လုပ်ပြီးစီးမှု တို့ နှင့် စပ်လျဉ်း၍ ရှင်းလင်းဆွေးနွေးတင်ပြရန် နှင့် အကြံပြုသုံးသပ်ချက်များ ရယူရန် အတွက် ပြည်သူ့ဘဏ္ဍာရေး သင်တန်း ကျောင်း (PFM Academy) ဦးဆောင်စိစစ်ရေး ဘုတ်အဖွဲ့ အစည်းအဝေး (၅ /၂၀၁၉) ကို ၂၀၁၉ ခုနှစ်၊ အောက်တိုဘာလ (၉) ရက်နေ့၊ နံနက် (၉:၀၀) နာရီ အချိန်တွင် ရုံးအမှတ် (၂၆)၊ စီမံကိန်းနှင့် ဘဏ္ဍာရေး ဝန်ကြီးဌာန၊အစည်းအဝေးခန်းမ၌ကျင်းပပြုလုပ်ခဲ့ပါသည်။ အဆိုပါ အစည်းအဝေးကို ပြည်သူ့ဘဏ္ဍာရေး စီမံခန့်ခွဲမှုသင်တန်းကျောင်းဦးဆောင်စိစစ်ရေးဘုတ်အဖွဲ့ဉက္ကဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယ ဝန်ကြီး ဦးမောင်မောင်ဝင်း ဦးဆောင်ပြီး အဖွဲ့ဝင်များဖြစ်သည့်ပြည်ထောင်စုလွှတ်တော်ရုံး၊ ပြည်သူ့ ငွေစာရင်း ပူးပေါင်းကော်မတီ၊ ပြည်ထောင်စု စာရင်းစစ်ချုပ်ရုံး၊ မြန်မာ့စီးပွားရေးဘဏ်၊ ငွေတိုက်ဦးစီးဌာန၊ ပြည်တွင်းအခွန်များဦးစီးဌာန၊ စီမံကိန်းရေးဆွဲရေးဦးစီးဌာန၊ စီမံကိန်းစိစစ်ရေးနှင့် တိုးတက်မှု အစီရင်ခံရေး ဦးစီးဌာန၊ရသုံးမှန်းခြေငွေစာရင်းဦးစီးဌာနတို့မှဌာနအကြီးအကဲများတက်ရောက်ခဲ့ကြပြီး၄င်းအစည်းအဝေး ၌ သင်တန်းကျောင်း ဖွင့်လှစ်နိုင်ရေး၊ သင်တန်းတွင်သင်ကြားမည့် ဘာသာရပ်များနှင့်သင်ကြားမည့် စနစ်များ၊သင်တန်းအကောင်အထည်ဖော်ရန်ဆောင်ရွက်ထားရှိမှုအခြေအနေများနှင့်ရှေ့ဆက်လက်ဆောင်ရွက် မည့် အခြေအနေများကို အကြံပြုဆွေးနွေးခဲ့ကြပါသည်။