စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း ဦးဆောင်သော သက်ဆိုင်ရာ ဌာနအဖွဲ့အစည်းအသီးသီးမှ အကြီးအကဲများဖြင့် ဖွဲ့စည်းထားသည့် အစိုးရအသုံး စရိတ်နှင့် ဘဏ္ဍာရေး တာဝန်ယူမှုဆိုင်ရာ ဦးဆောင်ကော်မတီ (PEFA Steering Committee)  အစည်းအဝေးအား ၂၀၁၉ ခုနှစ်၊ သြဂုတ်လ ၁ ရက်နေ့ ၊ နေ့လယ် (၂:၀၀) နာရီ မှ (၄:၃၀) နာရီ အထိ စီမံကိန်းနှင့် ဘဏ္ဍာရေးဝန်ကြီးဌာန ၊ အစည်းအဝေးခန်းမ၊ ရုံးအမှတ်(၂၆) ၌ ကျင်းပခဲ့ပါ သည်။ အဆိုပါ အစည်းအဝေးတွင်  ဒုတိယအကြိမ် အစိုးရအသုံးစရိတ် နှင့်ဘဏ္ဍာရေး တာဝန်ယူမှု ဆိုင်ရာ အကဲဖြတ်သုံးသပ်မှုမှ ကနဉီးတွေ့ရှိချက်များ၊ ညွှန်ကိန်းများ၏ ရမှတ်များနှင့် စပ်လျဉ်း၍ ကမ္ဘာ့ဘဏ်၊ PEFA Mission အဖွဲ့မှ ရှင်းလင်းတင်ပြ၍ ဦးဆောင်ကော်မတီ၏ လမ်းညွှန်မှုကို ခံယူပြီး ဦးဆောင်ကော်မတီ အဖွဲ့ဝင်များက လိုအပ်သည်များကို အကြံပြုဆွေးနွေးခဲ့ကြပါသည်။