စင်ကာပူသမ္မတနိုင်ငံတွင် SGX-SIIA Myanmar Investment Forum ကို ၂၀၁၈ ခုနှစ် စက်တင်ဘာလ ၅ ရက်နေ့တွင်  SGX Centre 1 ၌ ကျင်းပပြုလုပ်ခဲ့ပါသည်။

          အဆိုပါ ဖိုရမ်သို့  မြန်မာနိုင်ငံ ရင်းနှီးမြှုပ်နှံမှု ကော်မရှင် အတွင်းရေးမှူး၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန ညွှန်ကြားရေးမှူးချုပ် ဦးအောင်နိုင်ဦး တက်ရောက်ခဲ့ပြီး Singapore Exchange-SGX ၏ Executive Vice President & Head of Equities and Fixed Income, Mr. Chew Sutat မှ ကြိုဆိုနှုတ်ခွန်းဆက် အမှာစကား ပြောကြားခဲ့ပြီး Singapore Institute of International Affairs ၏ ဥက္ကဋ္ဌ Associate Professor Simon Tay မှ အဖွင့်အမှာစကား ပြောကြားခဲ့ပါသည်။

          ဆက်လက်၍ မြန်မာနိုင်ငံ ရင်းနှီးမြှုပ်နှံမှုကော်မရှင် အတွင်းရေးမှူး၊ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၊ ညွှန်ကြားရေးမှူးချုပ် ဦးအောင်နိုင်ဦးမှ Financing Myanmar’s Sustainable Future ခေါင်းစဉ်ဖြင့် ပြောကြားခဲ့ပါသည်။