မြန်မာနိုင်ငံသည် OECD နှင့်ပူးပေါင်း၍ ဒုတိယအကြိမ် Investment Policy Review of Myanmar ကို ထုတ်ပြန်နိုင်ရေးအတွက် ကနဦးညှိနှိုင်းအစည်းအဝေးကို၂၀၁၈ ခုနှစ် ဇူလိုင်လ ၃ ရက်နေ့ နံနက်(၉:၃၀) တွင် ရုံးအမှတ်(၁)၊ စီမံကိန်းနှင့် ဘဏ္ဍာရေးဝန်ကြီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။

OECD နှင့်ပူးပေါင်း၍ ပထမအကြိမ် Investment Policy Review of Myanmar ကို ၂၀၁၄ ခုနှစ်တွင် ထုတ်ပြန်ခဲ့ပြီးဖြစ်ပါသည်။ ဒုတိယအကြိမ် Investment Policy Review of Myanmarဆွေးနွေးပွဲသို့ သက်ဆိုင်ရာဝန်ကြီးဌာနများမှ ကိုယ်စားလှယ်များ၊ ပုဂ္ဂလိကဏ္ဍမှ တာဝန်ရှိသူများအပါအဝင်  စုစုပေါင်း (၄၀) ဦးခန့် တက်ရောက်ခဲ့ပါသည်။ အဆိုပါဆွေးနွေးပွဲ တွင် ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန၊ ညွှန်ကြားရေးမှူးချုပ် ဦးအောင်နိုင်ဦး နှင့် OECD Investment Policy Reviews of Myanmar မှ အဖွဲ့ခေါင်းဆောင်ဖြစ်သူ     Mr. Stephen Thomsen တို့မှ အဖွင့်အမှာစကား အသီးသီးပြောကြားခဲ့ပါသည်။

ထို့နောက် Mr. Stephen Thomsen မှ ပထမအကြိမ် Investment Policy Review of Myanmar (၂၀၁၄) မှ တွေ့ရှိချက်များကိုလည်းကောင်း၊ 2nd IPR of Myanmar ၏ Project Manager ဖြစ်သူ Mr. Fernando Mistura မှ  Scope, Process and Timeline of second IPR of Myanmarကို လည်းကောင်း၊ Responsible Business Conduct ၊ Economic /Policy Analyst ဖြစ်သူ Mr.Tihana Blue မှ  Promoting and enabling responsible business conduct in Myanmar   ခေါင်းစဉ်ဖြင့်လည်းကောင်း အသီးသီး ဆွေးနွေးခဲ့ပြီး ဆွေးနွေးပွဲအား နံနက် ၁၁:၃၀ နာရီ အချိန်တွင်ရုပ်သိမ်းခဲ့ပါသည်။