အဆင့်မြင့်ကွန်ပျူတာသင်တန်းအမှတ်စဉ် (၁/၂၀၁၈ ) နှင့် Engine Control & Diagnosis မွမ်းမံသင်တန်း အမှတ်စဉ် (၁/၂၀၁၈) သင်တန်းဖွင့်ပွဲအခမ်းအနား နေပြည်တော်၊ အောက်တိုဘာ ၈၊ ၂၀၁၈

ဗဟိုစက်ပစ္စည်းစာရင်းအင်းနှင့် စစ်ဆေးရေးဦးစီးဌာနမှ အဆင့်မြင့် ကွန်ပျူတာသင်တန်း အမှတ်စဉ်(၁/၂၀၁၈)နှင့် Engine Control & Diagnosis မွမ်းမံသင်တန်းအမှတ်စဉ် (၁/၂၀၁၈) သင်တန်းဖွင့်ပွဲအခမ်းအနားကို (၈.၁၀.၂၀၁၈)ရက်နေ့ (၁၃:၀၀)နာရီတွင် ရုံးအမှတ်(၃၂)၊ အစည်း အဝေးခန်းမ၊ နေပြည်တော်၌ ကျင်းပခဲ့ပါသည်။ အခမ်းအနားတွင် ညွှန်ကြားရေးမှူးချုပ် ဦးဟန်ဝင်းအောင်မှ သင်တန်းဖွင့်အမှာစကား ပြောကြားခဲ့ပါသည်။

အခမ်းအနားသို့ ဦးစီးဌာနမှ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ အရာထမ်း၊ အမှုထမ်းများ၊ နည်းပြများနှင့်သင်တန်းသား/သင်တန်းသူများ တက်ရောက်ခဲ့ပါသည်။

အဆင့်မြင့် ကွန်ပျူတာသင်တန်း အမှတ်စဉ် (၁/၂၀၁၈) သို့ ဦးစီးဌာနမှ သင်တန်းသား/ သင်တန်းသူ (၁၂) ဦး တက်ရောက်လျက်ရှိပြီး သင်တန်းကာလမှာ ၂၀၁၈ ခုနှစ်၊ နိုဝင်ဘာလ (၂၆) ရက်နေ့အထိ (၆) ပတ်ကြာ ဖွင့်လှစ်သွားမည်ဖြစ်ပါသည်။

Engine Control & Diagnosis မွမ်းမံသင်တန်း အမှတ်စဉ် (၁/၂၀၁၈) သင်တန်းသို့ ဦးစီးဌာနမှ အရာထမ်း (၆) ဦး တက်ရောက်လျက်ရှိပြီး သင်တန်းကာလမှာ ၂၀၁၈ ခုနှစ် အောက်တိုဘာလ (၁၂) ရက် နေ့အထိ ဖွင့်လှစ်သွားမည်ဖြစ်ပါသည်။