![](http://www.mopf.gov.mm/sites/default/files/sites/default/files/IMG_2378(2).jpg)
ပြည်ထောင်စုသမ္မတ မြန်မာနိုင်ငံတော်အစိုးရနှင့် ဒိန်းမတ်နိုင်ငံအစိုးရတို့အကြား ဖွံ့ဖြိုးမှု ပူးပေါင်းဆောင်ရွက်ရေးဆိုင်ရာ Denmark-Myanmar Country Programme (2016-2020) ၏ ဒုတိယအကြိမ် အကဲဖြတ်အစည်းအဝေးကို စီမံကိန်းနှင့်ဘဏ္ဍာရေး ဝန်ကြီးဌာန ဒုတိယဝန်ကြီး ဦးမောင်မောင်ဝင်းနှင့် ပြည်ထောင်စုသမ္မတ မြန်မာနိုင်ငံဆိုင်ရာ ဒိန်းမတ်သံအမတ်ကြီး H.E. Mr. John Nielsen တို့ ဦးဆောင်၍ ၂၀၁၈ ခုနှစ် ဒီဇင်ဘာလ (၅)ရက်နေ့ နေ့လယ် (၁၄:၀၀) နာရီတွင် စီမံကိန်းနှင့် ဘဏ္ဍာရေးဝန်ကြီး ဌာန၊ ရုံးအမှတ်(၂၆) အစည်းအဝေးခန်းမ၌ ကျင်းပ ခဲ့ပါသည်။
အစည်းအဝေးသို့ စီမံကိန်းနှင့် ဘဏ္ဍာရေးဝန်ကြီးဌာန၊ စက်မှုဝန်ကြီးဌာန၊ ပညာရေးဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပြည်ထောင်စု တရားလွှတ်တော်ချုပ်ရုံး၊ ပြည်ထောင်စုရှေ့နေချုပ်ရုံး၊ ဒဂုံတက္ကသိုလ်၊ ရန်ကုန်အရှေ့ပိုင်း တက္ကသိုလ်မှ ကိုယ်စားလှယ်များ၊ ဒိန်းမတ်သံရုံးမှ တာဝန်ရှိသူများ စုစုပေါင်း(၂၉)ဦး တက်ရောက်ခဲ့ကြပါသည်။
အစည်းအဝေးတွင် Denmark-Myanmar Country Programme 2016-2020 တွင် ပါဝင်သော စီမံချက်များ၏ အကောင်အထည်ဖော်ဆောင်ရွက်နေမှုများနှင့် တိုးတက်မှု အခြေအနေများ၊ စီမံချက်များအပေါ် စောင့်ကြည့်အကဲဖြတ်မှု အခြေအနေများ၊ အကောင် အထည် ဖော်ဆောင်ရွက်ရာတွင် ကြုံတွေ့ရသည့် အခက်အခဲများနှင့် ရှေ့ဆက်လက် ဆောင်ရွက်မည့် လုပ်ငန်းစဉ်များကို ရင်းနှီးပွင့်လင်းစွာ ဆွေးနွေးခဲ့ကြပါသည်။