Sustainable Consumption and Production "SCP Outreach in Asia-The Next Five" စီမံချက်နှင့် စပ်လျဉ်းသည့် ညှိနှိုင်းအစည်းအဝေး ကျင်းပခြင်း

ဂျာမနီနိုင်ငံ၊ Federal Ministry for the Environment, Nature Conservation, Building and Nuclear Safety (BMUB) အထောက်အပံ့ဖြင့် ထိုင်းနိုင်ငံ၊ ဘန်ကောက်မြို့ရှိ German Development Cooperation (GIZ) ရုံးက ဘူတန်၊ ကမ္ဘောဒီးယား၊ လာအို၊ မြန်မာနှင့် ဗီယက်နမ်နိုင်ငံတို့တွင် အကောင်အထည်ဖော်ဆောင်ရွက်မည့် Regional Project အသစ်တစ်ခုဖြစ်သော Sustainable Consumption and Production "SCP Outreach in Asia-The Next Five"  စီမံချက်နှင့် စပ်လျဉ်းသည့်  ညှိနှိုင်းအစည်းအဝေးကို (၄-၄-၂၀၁၈) ရက်နေ့တွင် စီမံကိန်းနှင့်  ဘဏ္ဍာရေးဝန်ကြီးဌာန၊ ရုံးအမှတ် (၁) ၌ နံနက် (၁၀:၀၀) နာရီမှ (၁၁:၀၀) နာရီအထိ ကျင်းပပြုလုပ်ခဲ့ပါသည်။

အဆိုပါအစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်မှ အဖွင့်အမှာစကား ပြောကြားခဲ့ပြီး ထိုင်းနိုင်ငံ၊  GIZ ရုံး၏ Project Director ဖြစ်သူ Mr. Thomas Lehmann မှ စီမံချက်၏ လုပ်ငန်းစဉ်များနှင့်  ရှေ့ဆက်လက်ဆောင်ရွက်ရန်ရှိသည့်ကိစ္စရပ်များကို ရှင်းလင်းတင်ပြခဲ့ပါသည်။

အဆိုပါအစည်းအဝေးသို့ စီမံချက်၏ Focal Ministry အဖြစ် ဆောင်ရွက်မည့် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စက်မှုဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကျန်းမာရေးနှင့် အားကစားဝန်ကြီးဌာန၊ နိုင်ငံခြားစီးပွားဆက်သွယ်ရေးဦးစီးဌာန၊ ငွေတိုက်ဦးစီးဌာန  နှင့် ထိုင်းနိုင်ငံ၊ GIZ ရုံးမှ ကိုယ်စားလှယ်များ၊ စုစုပေါင်း (၁၅) ဦး တက်ရောက်ခဲ့ ပါသည်။