_0.png)
, 
စီမံကိန်းနှင့် ဘဏ္ဍာရေးဝန်ကြီးဌာန၊ အမျိုးသားမှတ်တမ်းများ မော်ကွန်းတိုက်ဦးစီးဌာနသည် နိုင်ငံတော်၏အဖိုးတန်မှတ်တမ်း/မော်ကွန်းများ ပျက်စီးဆုံးရှုံးမှုမရှိစေရေးအတွက် မှတ်တမ်း/မော်ကွန်း စီမံခန့်ခွဲမှု သင်တန်းများဖွင့်လှစ်ခြင်း၊ ပြပွဲများခင်းကျင်းပြသခြင်း၊ ဆွေးနွေးပွဲများကျင်းပခြင်းများကို ဆောင်ရွက်လျက်ရှိရာ အမျိုးသားမှတ်တမ်းများမော်ကွန်းတိုက်ဦးစီးဌာန (ရန်ကုန်)ရုံးခွဲမှ ဒုတိယညွှန်ကြားရေးမှူး ဒေါ်မီမီသန်းဦးဆောင်၍ အဖွဲ့ဝင်(၃)ဦး ပါဝင်သောအဖွဲ့သည် ပဲခူးတိုင်းဒေသကြီး၊ မွန်ပြည်နယ်နှင့် ကရင်ပြည်နယ် အစိုးရအဖွဲ့ရုံးများသို့ သွားရောက်၍ ဌာနဆိုင်ရာအသီးသီးမှ အရာထမ်း/အမှုထမ်းများအား မှတ်တမ်း/မော်ကွန်း စီမံခန့်ခွဲမှု သင်တန်းများ ပို့ချပေးခဲ့ပါသည်။
အဆိုပါအဖွဲ့သည် ၁၉-၁၂-၂၀၁၈ ရက်နေ့တွင် ပဲခူးတိုင်းဒေသကြီး၊ ပဲခူးမြို့ အစိုးရအဖွဲ့ရုံး၊ တော်ဝင်ဟံသာခန်းမ၌ ဌာနဆိုင်ရာအသီးသီးမှ သင်တန်းသား (၆၆) ဦး၊ ၂၀-၁၂-၂၀၁၈ ရက်နေ့တွင် မွန်ပြည်နယ်၊ မော်လမြိုင်မြို့ အစိုးရအဖွဲ့ရုံး ဟင်္သာခန်းမ၌ ဌာနဆိုင်ရာအသီးသီးမှ သင်တန်းသား (၉၁) ဦး၊ ၂၁-၁၂-၂၀၁၈ ရက်နေ့တွင် ကရင်ပြည်နယ်၊ ဘားအံမြို့ အစိုးရအဖွဲ့ရုံး အစည်းအဝေးခန်းမ၌ ဌာနဆိုင်ရာ အသီးသီးမှ သင်တန်းသား (၈၅) ဦးတို့အား အစိုးရဌာနများတွင် ဌာနဆိုင်ရာမှတ်တမ်းခန်းများထားရှိရေး၊ မှတ်တမ်းများ အဆင့်ခွဲခြားသတ်မှတ် ထိန်းသိမ်းရေးနှင့် မော်ကွန်းဖြစ်လာနိုင်ပြီး ရေရှည်ထိန်းသိမ်းသင့်သည့် မှတ်တမ်းများအား မော်ကွန်းတိုက်သို့ ပေးပို့နိုင်ရေးအတွက် ပညာပေးရှင်းလင်း ဆွေးနွေးပို့ချပေးခဲ့ပါသည်။