_0.png)
.jpg)
စီမံကိန်းနှင့်ဘဏ္ဍာရေးဝန်ကြီးဌာန၊ အမျိုးသားမှတ်တမ်းများမော်ကွန်းတိုက်ဦးစီး ဌာန၊အုပ်ချုပ်မှုနှင့်ဖွံ့ဖြိုးမှုပညာ ဘွဲ့လွန်သင်တန်းဌာန(GSAD) တွင် ဖွင့်လှစ်ခဲ့သည့် စီမံကိန်းရေးဆွဲခြင်းနှင့်ဘတ်ဂျက်ရေးဆွဲခြင်းဆိုင်ရာ သင်တန်းဆင်းပွဲ အခမ်းအနားကို နေပြည်တော်၊ ရာဇသင်္ဂဟလမ်းရှိ အမျိုးသားမှတ်တမ်းများမော်ကွန်းတိုက်ဦးစီးဌာန၊ အဆောင်(A)၌ ၂၁-၉-၂၀၁၈(သောကြာနေ့)နံနက် ၀၉:၀၀ နာရီတွင် ကျင်းပခဲ့ပါသည်။
အခမ်းအနားသို့ စီမံကိန်းနှင့်ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်၊ စီမံကိန်းနှင့်ဘဏ္ဍာရေးဝန်ကြီးဌာနမှ ညွှန်ကြားရေးမှူးချုပ်များ၊ သင်ကြားပို့ချသည့်ဆရာ/ဆရာမများ၊ဝန်ကြီးဌာနအသီးသီးမှ သင်တန်းသား၊ သင်တန်းသူများနှင့် ဖိတ်ကြားထားသူများ တက်ရောက်ကြပါသည်။
အခမ်းအနားတွင် စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်မှ သင်တန်းဆင်းအမှာစကားပြောကြားခဲ့ပြီး သင်တန်းသား/သူများအား အမြဲတမ်းအတွင်းဝန် ၊ ညွှန်ကြားရေးမှူးချုပ်များနှင့် အုပ်ချုပ်မှုနှင့်ဖွံ့ဖြိုးမှုပညာဘွဲ့လွန်သင်တန်းဌာန၊ ဒုတိယညွန်ကြားရေးမှူးချုပ်တို့မှ သင်တန်းဆင်းလက်မှတ်များ ပေးအပ်ချီးမြှင့်ခဲ့ပါသည်။
အဆိုပါသင်တန်းအား ဖွင့်လှစ်ရခြင်းမှာ နိုင်ငံဖွံ့ဖြိုးတိုးတက်ရေးအတွက် စီမံကိန်းများရေးဆွဲရာတွင် အကောင်အထည်ဖော်မှုစွမ်းရည်နှင့် ကိုက်ညီသည့်စီမံကိန်းရေးဆွဲတတ်စေရန်၊ တကယ့်လက်တွေ့လုပ်ဆောင်နိုင်မည့် အခြေအနေနှင့်ကိုက်ညီသည့် ဘတ်ဂျက်ရေးဆွဲတတ်စေရန်နှင့် စီမံကိန်းများစနစ်တကျရေးဆွဲပြီး နိုင်ငံတော်ဘတ်ဂျက်များကို စိစစ်သုံးစွဲရန်အတွက် လက်တွေ့လုပ်ဆောင်ရမည့် နိုင်ငံ့ဝန်ထမ်းများ၏စွမ်းရည်မြှင့်တင်ပေးရန် ရည်ရွယ်၍ ဖွင့်လှစ်ခဲ့ခြင်းဖြစ်ပြီး ဝန်ကြီးဌာနအသီးသီးမှ သင်တန်းသား/ သူအရာထမ်း( ၆၆ )ဦး တက်ရောက်ခဲ့ပါသည်။