အမျိုးသားမှတ်တမ်းများမော်ကွန်းတိုက်ဦးစီးဌာနသည် ရည်မှန်းချက်တာဝန်တစ်ခုဖြစ်သည့်မှတ်တမ်းများရယူစုဆောင်းခြင်းကိုစဉ်ဆက်မပြတ် ဆောင်ရွက်လျက်ရှိရာသမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ပြည်ထောင်စုဝန်ကြီးရုံး၊ ဦးစီးဌာနများနှင့် တက္ကသိုလ်များသို့ မှတ်တမ်းများကွင်းဆင်းရယူရေးနှင့်ပတ်သက်၍ ညှိနှိုင်းအစည်းအဝေးကို (၉-၅-၂၀၂၄) ရက်နေ့ နံနက် (၁၀:၀၀) နာရီတွင် အမျိုးသားမှတ်တမ်းများမော်ကွန်းတိုက်ဦးစီးဌာန (ရုံးချုပ်) အစည်းအဝေးခန်းမ(Bဆောင်) ၌ကျင်းပပြုလုပ်ခဲ့ပါသည်။ အစည်းအဝေးသို့သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ပြည်ထောင်စုဝန်ကြီးရုံးမှ လက်ထောက်အတွင်းဝန် ဦးရဲထွန်းအပါအဝင် ဦးစီးဌာနများမှ ညွှန်ကြားရေးမှူးများ၊ တက္ကသိုလ်များမှဌာနမှူးများတက်ရောက်ခဲ့ပြီး ညွှန်ကြားရေးမှူးချုပ်ဦးရဲညွန့်က အဖွင့်အမှာစကားပြောကြားခဲ့ပါသည်။

          အဆိုပါအစည်းအဝေးတွင် မှတ်တမ်းများကွင်းဆင်းရယူရေးနှင့်ပတ်သက်၍ အမျိုးသားမှတ်တမ်းနှင့်မော်ကွန်းဥပဒေ၊ လုပ်ထုံးလုပ်နည်းများနှင့်အညီဆောင်ရွက်သွားရန်နှင့် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာနအနေဖြင့် ထာဝစဉ်ထိန်းသိမ်းရန်လိုအပ်သောမှတ်တမ်းများကိုအမျိုးသားမှတ်တမ်းများမော်ကွန်းတိုက်ဦးစီးဌာနသို့ လွှဲပြောင်းပေးခြင်းဖြင့် နောင်တစ်ချိန်တွင် ပြန်လည်ကိုးကားနိုင်ရန်အတွက် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာနအနေဖြင့် ပူးပေါင်းဆောင်ရွက်သွားရန်နှင့် ကွင်းဆင်းရယူခြင်းလုပ်ငန်းကို (၁၆-၅-၂၀၂၄) ရက်နေ့တွင် စတင်ဆောင်ရွက်သွားမည်ဖြစ်ကြောင်းဆွေးနွေးခဲ့ကြပါသည်။